സംസ്ഥാനത്തെ രണ്ട് മെഡിക്കല് കോളേജുകള്ക്ക് കേന്ദ്ര സര്ക്കാരിന്റെ ലക്ഷ്യ സര്ട്ടിഫിക്കേഷന് ലഭിച്ചുവെന്ന് മന്ത്രി വീണാ ജോര്ജ്. കോഴിക്കോട്, കോട്ടയം മെഡിക്കല് കോളേജുകള്ക്കാണ് ലക്ഷ്യ സര്ട്ടിഫിക്കേഷന് ലഭിച്ചത്. ലേബര്റും, മെറ്റേണല് ഓപ്പറേഷന് തീയറ്റര് എന്നിവയില് 96 ശതമാനം വീതം സ്കോറോടെയാണ് കോഴിക്കോട് മെഡിക്കല് കോളേജിന് അംഗീകാരം ലഭിച്ചത്.
ലേബര്റും, മെറ്റേണല് ഓപ്പറേഷന് തീയറ്റര് എന്നിവയില് 87 ശതമാനം വീതം സ്കോറോടെയാണ് കോട്ടയം മെഡിക്കല് കോളേജിന് അംഗീകാരം ലഭിച്ചത്. ലേബര് റൂമില് അഡ്മിറ്റ് ചെയ്യുന്നത് മുതല് പ്രസവശേഷം വാര്ഡില് മാറ്റുന്നതുവരെ ഗര്ഭിണികള്ക്ക് വേണ്ട സംരക്ഷണം ഉറപ്പ് വരുത്തുന്നു. ലക്ഷ്യ മാര്ഗ നിര്ദേശങ്ങള് അനുസരിച്ച് ലേബര് റൂമിലേയും ഓപ്പറേഷന് തീയറ്ററുകളുടേയും ഭൗതിക സാഹചര്യങ്ങള് മികച്ചതാക്കുകയും ചെയ്തു. ഫേയ്സ്ബുക്ക് പോസ്റ്റ് വഴിയാണ് മന്ത്രി വീണ ജോര്ജ് ഇക്കാര്യം വ്യക്തമാക്കിയത്.
വീണ ജോര്ജിൻ്റെ ഫേയ്സ്ബുക്ക് പോസ്റ്റ്
സംസ്ഥാനത്തെ രണ്ട് മെഡിക്കല് കോളേജുകള്ക്ക് കേന്ദ്ര സര്ക്കാരിൻ്റെ ലക്ഷ്യ സര്ട്ടിഫിക്കേഷന് ലഭിച്ചു. കോഴിക്കോട്, കോട്ടയം മെഡിക്കല് കോളേജുകള്ക്കാണ് ലക്ഷ്യ സര്ട്ടിഫിക്കേഷന് ലഭിച്ചത്. ലേബര്റും, മെറ്റേണല് ഓപ്പറേഷന് തീയറ്റര് എന്നിവയില് 96 ശതമാനം വീതം സ്കോറോടെയാണ് കോഴിക്കോട് മെഡിക്കല് കോളേജിന് അംഗീകാരം ലഭിച്ചത്. ലേബര്റും, മെറ്റേണല് ഓപ്പറേഷന് തീയറ്റര് എന്നിവയില് 87 ശതമാനം വീതം സ്കോറോടെയാണ് കോട്ടയം മെഡിക്കല് കോളേജിന് അംഗീകാരം ലഭിച്ചത്.
ലോകോത്തര നിലവാരത്തിലുള്ള പ്രസവ ചികിത്സ, അണുബാധ കുറയ്ക്കുക, പ്രസവ സമയത്തെ മെച്ചപ്പെട്ട സംരക്ഷണം, പ്രസവാനന്തര പരിചരണം, ഗുണഭോക്താക്കളുടെ സംതൃപ്തി, ലേബര് റൂമുകളുടേയും ഗര്ഭിണികള്ക്കുള്ള ഓപ്പറേഷന് തീയറ്ററുകളുടേയും ഗുണനിലവാരം എന്നിവയെല്ലാം സാധ്യമാക്കിയാണ് ലക്ഷ്യ അംഗീകാരം നേടിയെടുക്കാനായത്. ഗര്ഭിണികള്ക്ക് മികച്ച ചികിത്സയും പരിചരണവും ഉറപ്പാക്കാനും മാതൃശിശു മരണനിരക്ക് കുറയ്ക്കാനുമാണ് ലക്ഷ്യ പദ്ധതി ആവിഷ്ക്കരിച്ചിരിക്കുന്നത്. ലക്ഷ്യ മാര്ഗ നിര്ദേശങ്ങളനുസരിച്ചുള്ള പരിശോധനകള്ക്ക് ശേഷമാണ് ലക്ഷ്യ സര്ട്ടിഫിക്കേഷന് നല്കുന്നത്.
ലേബര് റൂമില് അഡ്മിറ്റ് ചെയ്യുന്നത് മുതല് പ്രസവശേഷം വാര്ഡില് മാറ്റുന്നതുവരെ ഗര്ഭിണികള്ക്ക് വേണ്ട സംരക്ഷണം ഉറപ്പ് വരുത്തുന്നു. ലക്ഷ്യ മാര്ഗനിര്ദേശങ്ങള് അനുസരിച്ച് ലേബര് റൂമിലേയും ഓപ്പറേഷന് തീയറ്ററുകളുടേയും ഭൗതിക സാഹചര്യങ്ങള് മികച്ചതാക്കുകയും ചെയ്തു. രോഗീപരിചരണത്തിനാവശ്യമായ സംവിധാനങ്ങളും വര്ധിപ്പിച്ചു. അതിതീവ്ര പരിചരണം ആവശ്യമായ ഗര്ഭിണികള്ക്ക് വെന്റിലേറ്റര് സൗകര്യങ്ങളോട് കൂടിയ ഐസിയു, ഹൈ ഡെപ്പൻ്റെന്സി യൂണിറ്റ് എന്നിവ സജ്ജമാക്കി. ലക്ഷ്യ നിലവാരത്തിലേക്ക് ഉയര്ത്തുന്നതിന് ജീവനക്കാര്ക്ക് മതിയായ പരിശീലനവും നല്കിയിട്ടുണ്ട്.
സംസ്ഥാനത്ത് ആദ്യമായി ലക്ഷ്യ പദ്ധതി നടപ്പിലാക്കിയ ആശുപത്രിയാണ് കോഴിക്കോട് മെഡിക്കല് കോളേജിലെ മാതൃശിശു സംരക്ഷണ കേന്ദ്രം. ഗര്ഭകാല ചികിത്സയ്ക്കും പ്രസവത്തിനും ഏറ്റവും കൂടുതല്പേര് സമീപിക്കുന്ന ആശുപത്രി കൂടിയാണിത്. കോഴിക്കോടിന് പുറമേ മലപ്പുറം, വയനാട് ജില്ലകളിലുള്ള സങ്കീര്ണാവസ്ഥയിലുള്ള ഗര്ഭിണികളില് ഭൂരിപക്ഷം പേരും ഈ ആശുപത്രിയേയാണ് സമീപിക്കുന്നത്. മധ്യകേരളത്തില് ഗര്ഭകാല ചികിത്സയ്ക്കും പ്രസവത്തിനും ഏറ്റവും കൂടുതല്പേര് എത്തുന്ന ആശുപത്രിയാണ് കോട്ടയം മെഡിക്കല് കോളേജ്. ലക്ഷ്യ പദ്ധതിയുടെ ഭാഗമായി മികച്ച ചികിത്സാ സൗകര്യങ്ങളാണ് കോട്ടയം മെഡിക്കല് കോളേജില് സജ്ജമാക്കിയിരിക്കുന്നത്.
13 ആശുപത്രികള്ക്ക് കൂടി ദേശീയ ഗുണനിലവാര അംഗീകാരം
ആകെ 146 ആരോഗ്യ സ്ഥാപനങ്ങള്ക്ക് എന്.ക്യു.എ.എസ്.
സംസ്ഥാനത്തെ 13 ആശുപത്രികള്ക്ക് നാഷണല് ക്വാളിറ്റി അഷ്വറന്സ് സ്റ്റാന്ഡേര്ഡ് (എന്.ക്യു.എ.എസ്) അംഗീകാരം ലഭിച്ചതായി ആരോഗ്യ വകുപ്പ് മന്ത്രി വീണാ ജോര്ജ്. 11 ആശുപത്രികള്ക്ക് പുന:അംഗീകാരവും രണ്ട് ആശുപത്രികള്ക്ക് പുതുതായി എന്.ക്യു.എ.എസ്. അംഗീകാരവുമാണ് ലഭിച്ചത്. എറണാകുളം രായമംഗലം കുടുംബാരോഗ്യ കേന്ദ്രം 96 ശതമാനം സ്കോറും, കോട്ടയം കല്ലറ കുടുംബാരോഗ്യ കേന്ദ്രം 97 സ്കോറും നേടിയാണ് പുതുതായി അംഗീകാരം നേടിയത്.
ഇതോടെ സംസ്ഥാനത്ത് ആകെ 146 ആരോഗ്യ സ്ഥാപനങ്ങള്ക്കാണ് എന്.ക്യു.എ.എസ്. അംഗീകാരം നേടിയെടുക്കാനായത്. നാല് ജില്ലാ ആശുപത്രികള്, നാല് താലൂക്ക് ആശുപത്രികള്, എട്ട് സാമൂഹിക ആരോഗ്യ കേന്ദ്രങ്ങള്, 38 അര്ബന് പ്രൈമറി ഹെല്ത്ത് സെൻ്റെര്, 92 കുടുംബാരോഗ്യ കേന്ദ്രങ്ങള് എന്നിങ്ങനെയാണ് എന്.ക്യു.എ.എസ്. അംഗീകാരം നേടിയിട്ടുള്ളതെന്നും മന്ത്രി പറഞ്ഞു.
കൊല്ലം വെളിയം കുടുംബാരോഗ്യ കേന്ദ്രം 97%, മുണ്ടക്കല് അര്ബന് പ്രൈമറി ഹെല്ത്ത് സെന്റര് 80.40%, പത്തനംതിട്ട ചെന്നീര്ക്കര കുടുംബാരോഗ്യ കേന്ദ്രം 89%, കോട്ടയം മറവന് തുരുത്ത് കുടുംബാരോഗ്യ കേന്ദ്രം 95%, ഇടുക്കി പാറക്കടവ് അര്ബന് പ്രൈമറി ഹെല്ത്ത് സെൻ്റെര് 87.20%, എറണാകുളം തൃപ്പൂണിത്തുറ അര്ബന് പ്രൈമറി ഹെല്ത്ത് സെൻ്റെര് 90.30%, മണീട് കുടുംബാരോഗ്യ കേന്ദ്രം 98.47%, മലപ്പുറം വഴിക്കടവ് കുടുംബാരോഗ്യ കേന്ദ്രം 96%, കോഴിക്കോട് മേപ്പയൂര് കുടുംബാരോഗ്യ കേന്ദ്രം 89%, പനങ്ങാട് കുടുംബാരോഗ്യ കേന്ദ്രം 95%, വയനാട് നൂല്പ്പുഴ കുടുംബാരോഗ്യ കേന്ദ്രം 93% എന്നീ കേന്ദ്രങ്ങള്ക്കാണ് മൂന്ന് വര്ഷത്തിന് ശേഷം വീണ്ടും എന്.ക്യു.എ.എസ്. ബഹുമതി ലഭിച്ചത്.
