കാസര്കോട് ജില്ലയില് ഇന്ന് അഞ്ച് പേര് കൂടി കോവിഡ് രോഗമുക്തരായി ആശുപത്രി വിട്ടു. ജില്ലാ ജനറല് ആശുപത്രിയില് വൈറസ് ബാധയേറ്റ് ചികിത്സയിലായിരുന്ന മൂന്ന് പേരും കാഞ്ഞങ്ങാട് ജില്ലാ ആശുപത്രിയില് ചികിത്സയിലായിരുന്ന രണ്ട് പേരുമാണ് രോഗം ഭേദമായി ആശുപത്രി വിട്ടത്. ഇവര് ഇനി 14 ദിവസം വീടുകളില് നിരീക്ഷണത്തില് കഴിയണം.
ഇതോടെ ജില്ലയില് കൊവിഡ് രോഗം ബാധിച്ച് ചികിത്സയില് കഴിയുന്നവരുടെ എണ്ണം 14 ആയി. അതേസമയം ജില്ലയില് കുമ്പള പഞ്ചായത്തിനെ കൂടി കൊവിഡ് ഹോട്ട്സ്പോട്ട് പട്ടികയില് ഉള്പ്പെടുത്തി. മൊഗ്രാല്പുത്തൂര്, ചെങ്കള, ചെമ്മനാട്, മധൂര്, മുളിയാര് പഞ്ചായത്തുകളും കാസര്കോട്, കാഞ്ഞങ്ങാട് മുനിസിപ്പാലിറ്റികളുമാണ് ജില്ലയില് കൊവിഡ് ഹോട്ട്സ്പോട്ടുകള്.
