ഇന്ന് വരുന്ന പരിശോധനാഫലം കാസര്‍കോട് ജില്ലയെ സംബന്ധിച്ചിടത്തോളം നിര്‍ണായകമാണെന്ന് കലക്ടര്‍ ഡി. സജിത്ബാബു. സാമൂഹിക വ്യാപനം ഉണ്ടോയെന്ന് ഇന്നറിയാം. വിവാദമായ ഏരിയാല്‍ സ്വദേശിയുടെ സമ്പര്‍ക്കപട്ടികയിലുള്ളവരുടെ പരിശോധനാഫലം ഇന്നു ലഭിക്കും. കൂടുതല്‍ ആളുകളില്‍ രോഗലക്ഷണം കാണുന്നത് ആശങ്ക സൃഷ്ടിക്കുന്നുണ്ട്.

ഇന്ന് രാവിലെ 11.30 വരെ മാത്രം പരിശോധനയ്ക്കയച്ചത് 75 സാംപിളുകളാണ്. ഇതുവരെ 44 പേര്‍ക്കാണ് കാസര്‍കോട് ജില്ലയില്‍ രോഗം സ്ഥിരീകരിച്ചത്. മംഗളൂരുവില്‍ ചികിത്സയിലുള്ള കാസര്‍കോടുകാര്‍ കൂടി ചേരുന്നതോണ് എണ്ണം 48 ആവും. രോഗികളെ ഇനി കണ്ണൂര്‍ മെഡിക്കല്‍ കോളജിലേക്ക് മാറ്റും.