കേരളത്തില് നിന്ന് എത്തുന്നവര്ക്ക് വീണ്ടും കടുത്ത നിയന്ത്രണവുമായി കര്ണാടക. കേരളത്തില് നിന്ന് അടിയന്തര സര്വ്വീസുകള് മാത്രമേ പ്രവേശിപ്പിക്കൂ. ഇടറോഡുകളില് മണ്ണിട്ടും കുഴിയെടുത്തും വാഹനം നിയന്ത്രിക്കാനാണ് പുതിയ നിര്ദേശം.
സുള്ള്യ, പുത്തൂര് അതിര്ത്തിയില് കുഴിയെടുത്ത് ഗതാഗതം തടയും. അതിര്ത്തികളില് ശക്തമായ പരിശോധന നടത്താനും കര്ണാടക സര്ക്കാര് തീരുമാനിച്ചു. മുഖ്യമന്ത്രിയുടെ അധ്യക്ഷതയില് ചേര്ന്ന യോഗത്തിലാണ് തീരുമാനം. ഇതോടൊപ്പം തന്നെ കേരള, മഹാരാഷ്ട്ര അതിര്ത്തി ജില്ലകളില് ശനിയാഴ്ചയും ഞായറാഴ്ചയും വാരാന്ത്യ കര്ഫ്യൂ ആയിരിക്കും.
വെള്ളിയാഴ്ച രാത്രി 9 മണി മുതല് തിങ്കളാഴ്ച പുലര്ച്ചെ അഞ്ചുമണി വരെയാണ് കര്ഫ്യൂ. അതിര്ത്തികളില് നിരീക്ഷണം ശക്തമാക്കാന് പ്രത്യേക കര്മസേനയ്ക്ക് രൂപം നല്കാനും തീരുമാനിച്ചു.
