കുളിക്കാത്ത ഭര്ത്താവ് തന്നെ ലൈംഗിക ബന്ധത്തിന് നിര്ബന്ധിക്കുകയാണെന്ന പരാതിയുമായി വീട്ടമ്മ. കൊവിഡ് പശ്ചാത്തലത്തില് രാജ്യമാകെ ലോക്ക്ഡൗണ് പ്രഖ്യാപിച്ച മാര്ച്ച് 24 മുതല് ഭര്ത്താവ് കുളിച്ചിട്ടില്ലെന്നും ലൈംഗിക ബന്ധത്തിന് നിര്ബന്ധിക്കുകയുമാണെന്നുമാണ് പരാതി.
ബംഗളൂരു പോലീസിന്റെ വനിതാ സെല്ലില്ലാണ് രണ്ട് കുട്ടികളുടെ അമ്മ കൂടിയായ വീട്ടമ്മ പരാതി നല്കിയിരിക്കുന്നത്. അതേസമയം വനിത ഹെല്പ്പ്ലൈനില് വന്ന ഒരു പരാതി മാത്രമാണിതെന്നും ഇത്തരത്തിലുള്ള നിരവധി പ്രശ്നങ്ങള് റിപ്പോര്ട്ട് ചെയ്യുന്നുണ്ടെന്നുമാണ് പോലീസ് പറയുന്നത്.
ഭര്ത്താവ് പലചരക്ക് വ്യാപാരിയാണ്. ലോക്ക്ഡൗണ് സമയത്ത് പണമിടപാട് നടത്താനുള്ള പ്രശ്നങ്ങള് ചൂണ്ടിക്കാട്ടി കട തുറക്കുന്നില്ല. ഇതിനൊപ്പം ലോക്ക്ഡൗണ് പ്രാബല്യത്തില് വന്നത് മുതല് വ്യക്തിശുചിത്വം പാലിക്കാതെയും കുളിക്കാതെയുമായതായും 31 വയസുള്ള വീട്ടമ്മ പറഞ്ഞതായി പോലീസ് പറഞ്ഞു. കുളിക്കാത്തതിന് പുറമെ ലൈംഗിക ബന്ധത്തിനായി എപ്പോഴും നിര്ബന്ധിക്കാനും തുടങ്ങിയെന്നാണ് പരാതി.
