കേന്ദ്രത്തിന്റെ കാര്ഷിക നിയമത്തില് പ്രതിഷേധിച്ച് ഡല്ഹിയില് പ്രതിഷേധിക്കുന്ന കര്ഷകര് ഭാരത് ബന്ദിന് ആഹ്വാനം ചെയ്തു. ചൊവ്വാഴ്ച നടക്കുന്ന ഭാരത് ബന്ദില് ദല്ഹിയിലേക്കുള്ള റോഡുകള് മുഴുവന് അടയ്ക്കുമെന്നും കര്ഷക സംഘടനകള് പറഞ്ഞു.ഇതോടൊപ്പം നാളെ ദേശ വ്യാപകമായി പ്രധാനമന്ത്രി നരേന്ദ്രമോദിയുടെ കോലം കത്തിക്കുമെന്നും സംഘടനകള് അറിയിച്ചു.
കാര്ഷിക നിയമത്തിനെതിരെ ഒന്പത് ദിവസമായി കര്ഷകര് തെരുവില് പ്രതിഷേധിച്ച് കൊണ്ടിരിക്കുകയാണ്. ഡല്ഹിയുടെ കൂടുതല് അതിര്ത്തി മേഖലകളില് പ്രതിഷേധമുയര്ത്താന് കര്ഷക സംഘടനകള് തീരുമാനിച്ചിട്ടുണ്ട്. നിയമത്തില് ഭേദഗതി കൊണ്ടുവരാമെന്ന കേന്ദ്രസര്ക്കാര് നിര്ദേശം ഇന്നലെ കര്ഷക സംഘടനകള് തള്ളിയിരുന്നു.
സമരം ശക്തിപ്പെടുന്ന സാഹചര്യത്തില് എങ്ങനെയെങ്കിലും പ്രതിഷേധം ഒതുക്കിത്തീര്ക്കാനാണ് കേന്ദ്രവും ബി.ജെ.പിയും ശ്രമിക്കുന്നത്. അതിന്റെ ഭാഗമായിട്ടാണ് കര്ഷകരുമായി തിരക്കിട്ട് നാളെ ചര്ച്ചകള് നടത്തുന്നത്.
