ഫുട്ബാൾ കളിക്കിടെ പന്ത് നെഞ്ചുകൊണ്ട് തടുത്ത യുവാവ് കുഴഞ്ഞു വീണ് മരിച്ചു.എടത്തല പുനത്തിൽ വീട്ടിൽ ഇമ്മാനുവലിന്‍റെ മകൻ ഡിഫിനാണ് (19) മരിച്ചത്. കൊച്ചി പള്ളിക്കര പിണർമുണ്ടയിലാണ് സംഭവം. ലോംഗ് പാസ് നെഞ്ചുകൊണ്ട് തടുത്തശേഷം സഹകളിക്കാരന് കൈമാറി.

പി​ന്നീട് ഗ്രൗണ്ടിൽ കുഴഞ്ഞ് വീഴുകയായിരുന്നു. കുറച്ച് സമയം കഴിഞ്ഞിട്ടും എഴുന്നേൽക്കാതെ വന്നതോടെ മറ്റ്‌ കളിക്കാർ പഴങ്ങനാട് സമരിറ്റൻ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ഫുട്ബാൾ ടർഫ് ഒരു മണിക്കൂർ വാടകയ്ക്കെടുത്ത് ഡിഫിൻ ഉൾപ്പെടെ പത്തുപേർ രണ്ടു ടീമായി കളിക്കുകയായി​രുന്നു. ഐ.ടി.ഐ പഠനത്തി​ന് ശേഷം സ്വകാര്യ സ്ഥാപനത്തി​ൽ ജോലി​ ചെയ്യുകയായി​രുന്നു.