കോവിഡ് ബാധിച്ചു കൊല്ലം മെഡിക്കൽ കോളജിൽ ചികിൽസയിലായിരുന്ന മയ്യനാട് സ്വദേശി വസന്തകുമാർ (68) മരിച്ചു. ഡൽഹിയിൽ നിന്ന് ഈ മാസം 10നു നാട്ടിലെത്തി. രോഗലക്ഷണങ്ങൾ കണ്ടതിനെ തുടർന്ന് 17നു കൊല്ലം മെഡിക്കല് കോളജിൽ പ്രവേശിപ്പിച്ചു.
അതീവഗുരുതരാവസ്ഥയിലായതിനെ തുടർന്ന് ജീവൻരക്ഷാ മരുന്ന് പോലീസാണ് കൊച്ചിയിൽ നിന്നെത്തിച്ചു കൊടുത്തത്. ഇന്നു രാവിലെയായിരുന്നു മരണം. ഇതോടെ സംസ്ഥാനത്ത് രോഗം ബാധിച്ച് മരിച്ചവരുടെ എണ്ണം 22 ആയി.
