കാസർകോട്: ബേക്കല് കോട്ട ഉള്പ്പെടെയുള്ള ജില്ലയിലെ വിനോദസഞ്ചാര കേന്ദ്രങ്ങള് ഈ മാസം 31 വരെ തുറക്കേണ്ടതില്ലെന്ന് ജനപ്രതിനിധികളുടെ യോഗം തീരുമാനിച്ചു.റാണിപുരം,പോസഡിഗുംബെ ഉള്പ്പടെയുള്ള വിനോദസഞ്ചാര കേന്ദ്രങ്ങളില് അനുമതിയില്ലാതെ ആളുകള് കൂട്ടംകൂടുന്നതായി ജനപ്രതിനിധികള്ചൂണ്ടികാട്ടി.
നിയമം ലംഘിക്കുന്നവര്ക്കെതിരെ കര്ശന നടപടി സ്വീകരിക്കാന് പോലീസിനെ യോഗം ചുമതലപ്പെടുത്തി.പട്ടണ പ്രദേശങ്ങളിലും പാതയോരത്ത് ജ്യൂസ് കടകളിലും മറ്റും ആളുകള് അനാവശ്യമായി കൂട്ടംകൂടുന്നതായി ശ്രദ്ധയില്പ്പെട്ടിട്ടുണ്ട്. ഇത് രോഗവ്യാപനത്തിലേക്ക് നയിക്കും.നിയമം ലംഘിക്കുന്നവര്ക്കെതിരെ കര്ശന നടപടി സ്വീകരിക്കാന് ജില്ലാഭരണകൂടത്തോട് യോഗം നിര്ദേശിച്ചു.
