വാഹനം തകര്ത്ത കേസില് കോണ്ഗ്രസിന് മുന്നില് ഒത്തുതീര്പ്പ് വ്യവസ്ഥ വച്ച് നടന് ജോജു ജോര്ജിൻ്റെ അഭിഭാഷകന്. കോണ്ഗ്രസ് പരസ്യമായി മാപ്പ് പറഞ്ഞാല് ഒത്തുതീര്പ്പിന് തയ്യാറാണെന്ന സൂചനയാണ് ജോജുവിൻ്റെ അഭിഭാഷകന് നല്കിയത്.
ജോജുവിനെതിരെ നേതാക്കളും പ്രവര്ത്തകരും പരസ്യമായി ഉന്നയിച്ച ആരോപണങ്ങള് പിന്വലിക്കണം. നേതാക്കള് നടത്തിയ വ്യക്തിപരമായ പരാമര്ശങ്ങളും പിന്വലിക്കണം. പൊതുജനമധ്യത്തില് ആരോപിച്ച കാര്യങ്ങള് പൊതുമധ്യത്തില് തന്നെ പ്രസ്താവനയിലൂടെ പിന്വലിക്കണം തുടങ്ങിയ കാര്യങ്ങളാണ് ജോജു മുന്നോട്ടു വച്ചിരിക്കുന്നത്.
വ്യക്തിപരമായി വി.ഡി സതീശനും കെ. സുധാകരനും ഖേദ പ്രകടനം നടത്തിയിട്ടുണ്ടെന്നും ജോജുവിൻ്റെ അഭിഭാഷകന് രഞ്ജിത്ത് മാരാര് പറഞ്ഞു. ആരോപണങ്ങള് പിന്വലിച്ചാല് ഒത്തുതീര്പ്പിന് ഇനിയും സാധ്യതകളുണ്ടെന്നും അഭിഭാഷകന് വ്യക്തമാക്കി.
