നിയമസഭാ തെരഞ്ഞെടുപ്പില് മത്സരിക്കാന് തയ്യാറെടുക്കുന്ന നടന് ധര്മജന് ബോള്ഗാട്ടിക്കെതിരെ കോണ്ഗ്രസ് ബാലുശേരി മണ്ഡലം കമ്മിറ്റി. ധര്മജനെ സ്ഥാനാര്ത്ഥിയാക്കുന്നത് യു.ഡി.എഫിന് ആക്ഷേപകരമാണെന്നും നടിയെ ആക്രമിച്ച കേസില് മുന്നണി മറുപടി പറയേണ്ടി വരുമെന്നുമാണ് മണ്ഡലം കമ്മിറ്റിയുടെ അഭിപ്രായം.
ഇക്കാര്യം അറിയിച്ച് ബാലുശേരി മണ്ഡലം കമ്മിറ്റി കെ.പി.സി.സിക്ക് കത്ത് അയച്ചു.മികച്ച പ്രതിച്ഛായയില്ലാത്ത ധര്മജനെ സ്ഥാനാര്ത്ഥിയായി ഉയര്ത്തിക്കാട്ടുന്നത് യു.ഡി.എഫിന് ഗുണം ചെയ്യില്ലെന്നാണ് കെ.പി.സി.സിയെ അറിയിച്ചിരിക്കുന്നത്. ധര്മജനെ മാറ്റിനിര്ത്തി പകരം മറ്റ് യുവാക്കള്ക്ക് അവസരം നല്കണമെന്നും ആവശ്യമുയരുന്നുണ്ട്.
