മൊബൈല് ആപ്പ് വഴി വായ്പ നല്കി തട്ടിപ്പ് നടത്തുന്ന സംഘങ്ങളെക്കുറിച്ച് വിശദമായ അന്വേഷണം നടത്താന് ഡി.ജി.പി ക്രൈംബ്രാഞ്ചിന് നിര്ദ്ദേശം നല്കി. തട്ടിപ്പിന് പിന്നില് വിദേശികള് ഉള്പ്പെടെയുള്ള സംഘമെന്നാണ് വിലയിരുത്തല്.
മൊബൈല് ആപ് വഴി വായ്പ എടുത്തവരില് ചിലര് അമിതപലിശ കാരണം പണം തിരിച്ചടയ്ക്കാനാവാതെ ആത്മഹത്യ ചെയ്ത സംഭവങ്ങള് ശ്രദ്ധയില്പ്പെട്ടതിനെ തുടര്ന്നാണ് ഡി.ജി.പിയുടെ അടിയന്തിര ഇടപെടല്. സംഭവത്തെക്കുറിച്ച് വിശദമായ അന്വേഷണം നടത്താന് ഡി.ജി.പി ക്രൈം ബ്രാഞ്ചിന് നിര്ദ്ദേശം നല്കി. ഹൈടെക് ക്രൈം എന്ക്വയറി സെല് അന്വേഷണത്തില് സഹായിക്കും.
