വാർത്തകൾക്ക്: https://chat.whatsapp.com/G0DqczUisfs4oeFdWdiLSX
കൊല്ലം / ഓടനാവട്ടം: സ്ത്രീകളുടെ ചിത്രങ്ങള് ആര്ട്ടിഫിഷ്യല് ഇൻ്റെലിജിൻസ് സാങ്കേതിക വിദ്യ ഉപയോഗിച്ച് അശ്ലീല ചിത്രങ്ങളാക്കി സാമൂഹിക മാധ്യമങ്ങളിലൂടെ പ്രചരിപ്പിച്ച മരുതമണ്പള്ളി സ്വദേശി ടി.എസ്. സജിയെ (21) പൂയപ്പള്ളി പൊലീസ് പിടികൂടി.
പെണ്കുട്ടികളുടെയും സ്ത്രീകളുടെയും നടിമാരുടെയും മറ്റും ചിത്രങ്ങള് വിവിധ സോഷ്യല് മീഡിയകളില് നിന്ന് ഡൗണ്ലോഡ് ചെയ്ത ശേഷം മോര്ഫ് ചെയ്ത് അശ്ലീല ചിത്രങ്ങള് ആക്കി.
പ്രായപൂര്ത്തി ആകാത്ത പെണ്കുട്ടിയുടെ അശ്ലീല ചിത്രങ്ങള് ഫേക്ക് ഇൻസ്റ്റഗ്രാം അക്കൗണ്ട് ഉണ്ടാക്കി അപ്ലോഡ് ചെയ്തതിന് ഇയാള്ക്കെതിരെ പൂയപ്പള്ളി പൊലീസ് പോക്സോ പ്രകാരം കേസെടുത്തിരുന്നു. കോളേജ് വിദ്യാര്ത്ഥിനിയുടെ ചിത്രങ്ങള് മോര്ഫ് ചെയ്ത് അശ്ലീല ചിത്രങ്ങളാക്കിയതിന് എഴുകോണ് പൊലീസും കേസെടുത്തിരുന്നു.
കൊല്ലം റൂറല് ജില്ലാ പൊലീസ് മേധാവി എം.എല്. സുനിലിൻ്റെ നിര്ദേശപ്രകാരം പൂയപ്പള്ളി, എഴുകോണ് എസ്.എച്ച്.ഒമാരുടെ നേതൃത്വത്തില് പൂയപ്പള്ളി എസ്.എച്ച്.ഒ എസ്.ടി. ബിജു, എസ്.ഐ എ.ആര്. അഭിലാഷ്, എ.എസ്.ഐ കിഷോര്, സി.പി.ഒമാരായ ബിനീഷ്, അൻവര് എന്നിവരടങ്ങിയ സംഘമാണ് പ്രതിയെ പിടികൂടിയത്. അറസ്റ്റിലായ പ്രതിയെ കോടതി റിമാൻഡ് ചെയ്തു.
