1500 മീറ്ററിൽ ദേശീയ റെക്കോഡ് തിരുത്തി മലയാളി താരം ജിൻസണ് ജോസഫ്. ബെർലിനിൽ നടന്ന മീറ്റിൽ വെള്ളിമെഡൽ നേടിയാണു ജിൻസണ് സ്വന്തം പേരിലുള്ള ദേശീയ റെക്കോഡ് തിരുത്തിയത്.3:35.24 സെക്കൻഡിൽ ഓട്ടം പൂർത്തിയാക്കിയ ജിൻസണ് അമേരിക്കയുടെ ജോഷ്വ തോംസണു പിന്നിൽ രണ്ടാമതായി ഫിനിഷ് ചെയ്തു.
കഴിഞ്ഞ ജൂണിൽ ഹോളണ്ടിൽ കുറിച്ച 3:37.62 സെക്കൻഡായിരുന്നു ജിൻസന്റെ ഇതുവരെയുള്ള മികച്ച സമയം.
ഈ പ്രകടനത്തോടെ ജിൻസണ് ലോകചാമ്പ്യന്ഷിപ്പിനു യോഗ്യത നേടി. മൂന്നു മിനിറ്റ് 36 സെക്കൻഡായിരുന്നു ലോകചാമ്പ്യന്ഷിപ്പ് യോഗ്യതാ മാർക്ക്.
800 മീറ്ററിലും ദേശീയ റെക്കോഡ് ജിൻസന്റെ പേരിലാണ്(1:45.65).ദോഹയിൽ സെപ്റ്റംബർ 28 മുതൽ ഒക്ടോബർ ആറ് വരെയാണ് ലോക അത്ലറ്റിക് ചാമ്പ്യന്ഷിപ്പ് നടക്കുക.
