ഹെല്മെറ്റ് ധരിക്കാതെ ഇരുചക്രവാഹനമോടിച്ചാല് പോലീസ് നല്കുന്നത് ‘പേപ്പറും പേനയും’. ഭോപ്പാലിലാണ് വ്യത്യസ്തമായ ശിക്ഷാ രീതി ട്രാഫിക് പോലീസ് നടപ്പാക്കിവരുന്നത്. എന്തുകൊണ്ട് ഹെല്മെറ്റ് ധരിച്ചില്ല എന്നതിന്റെ കാരണമാണ് 100 വാക്കില് കുറയാതെ എഴുതി നല്കേണ്ടത്.
കഴിഞ്ഞ ആറ് ദിവസത്തിനിടെ ഹെല്മറ്റ് ധരിക്കാതെ 150-ലേറെ ആളുകളാണ് കാരണം എഴുതിക്കൊടുത്തത്. ഈ വേറിട്ട നടപടി ആരംഭിച്ചത് വെള്ളിയാഴ്ച അവസാനിക്കുന്ന റോഡ് സുരക്ഷാ വാരാചരണത്തോടനുബന്ധിച്ചാണ്. എന്നാല് റോഡ് സുരക്ഷാ വാരം കഴിഞ്ഞാലും ഈ രീതി തുടരുമെന്നും പോലീസ് അറിയിച്ചു.
