ഗോവ ഡി.ജി.പി പ്രണബ് നന്ദ ഹൃദയാഘാതത്തെ തുടര്ന്ന് അന്തരിച്ചു. ഡല്ഹിയില് ഔദ്യോഗിക സന്ദര്ശനത്തിനെത്തി യതായിരുന്നു അദ്ദേഹം. ശനിയാഴ്ച പുലര്ച്ചെയായിരുന്നു അന്ത്യം. ഇന്സ്പെക്ടര് ജനറല് ജസ്പാല് സിങാണ് മരണവിവരം അറിയിച്ചത്.
1988 ബാച്ചിലെ ഐപിഎസ് ഉദ്യോഗസ്ഥനായ നന്ദ ഈ വര്ഷം മാര്ച്ചിലാണ് ഗോവ ഡി.ജി.പിയായി ചുമതലയേറ്റത്. അരുണാചല്പ്രദേശ്, മിസോറാം എന്നിവ ഉള്പ്പെടുന്ന കേഡറില് നിന്നുള്ള ഉദ്യോഗസ്ഥനാണ് അദ്ദേഹം. പ്രണബ് നന്ദയുടെ ഭാര്യ സുന്ദരിയും ഡി.ജി.പി റാങ്കിലുള്ള ഉദ്യോഗസ്ഥയാണ്. പുതുച്ചേരി ഇന്റലിജന്സ് ബ്യൂറോയിലാണ് അവര് നിലവില് ജോലി ചെയ്യുന്നത്.
