തിരുവനന്തപുരം: ശബരിമല യുവതീ പ്രവേശനത്തില് പ്രതിഷേധിച്ച് ശബരിമല കര്മസമിതി നടത്തുന്ന ഹര്ത്താല് ആരംഭിച്ചു. ഹര്ത്താലിനോടനുബന്ധിച്ച് വാഹന ഗതാഗതം തടസ്സപ്പെടുത്തുകയോ അക്രമങ്ങളില് ഏര്പ്പെടുകയോ ചെയ്യുന്നവര്ക്കെതിരെ കര്ശന നടപടികള് സ്വീകരിക്കുമെന്ന് ഡി.ജി.പി ലോക്നാഥ് ബെഹ്റ അറിയിച്ചു. ശബരിമല, പമ്ബ, നിലക്കല്, എരുമേലി, ചെങ്ങന്നൂര്, പന്തളം, വണ്ടിപ്പെരിയാര് എന്നിവിടങ്ങളില് കൂടുതല് പോലീസിനെ വിന്യസിച്ചു.
പട്രോളിങ് ശക്തമാക്കുകയും ആവശ്യമുള്ള സ്ഥലങ്ങളില് പിക്കറ്റ് ഏര്പ്പെടുത്താനും ഡിജിപി നിര്ദ്ദേശിച്ചു.ഇന്റലിജന്സ് വിഭാഗത്തോടും ജാഗ്രതപാലിക്കാന് ആവശ്യപ്പെട്ടിട്ടുണ്ട്. നിയമവാഴ്ചയും സമാധാനാന്തരീക്ഷവും നിലനിര്ത്തുന്നതിനും അതിക്രമവും പൊതുമുതല് നശീകരണവും തടയുന്നതിനും പൊതുജനങ്ങളും ഹര്ത്താല് അനുകൂലികളും സഹകരിക്കണമെന്ന് അദ്ദേഹം വാര്ത്താക്കുറിപ്പില് അഭ്യര്ത്ഥിച്ചു.
ഹര്ത്താല്; അക്രമമുണ്ടായാല് കര്ശന നടപടികള് സ്വീകരിക്കുമെന്ന് ഡി.ജി.പി ലോക്നാഥ് ബെഹ്റ
