മുംബൈ: മുംബൈയിലെ ബസ് തൊഴിലാളികൾ നടത്തുന്ന അനിശ്ചിതകാല സമരം തുടരുന്നു. ഇന്നേക്ക് ഏഴാം ദിവസമാണ് സമരം തുടരുന്നത്. ബൃഹന്മുംബൈ ഇലക്ട്രിസിറ്റി സപ്ലൈ ആന്ഡ് ട്രാന്സ്പോര്ട്ട്(ബെസ്റ്റ്) ബസ് തൊഴിലാളികളായ 32,000 പേര് സമരത്തിൽ പങ്കെടുക്കുന്നതിനാൽ മുബൈയിലെ റോഡ് മാർഗമുള്ള ഗതാഗതം താറുമാറായിരിക്കുകയാണ്. ശമ്പള വർദ്ധനവ് ആവശ്യപ്പെട്ടാണ് സമരം. കഴിഞ്ഞ ദിവസം സര്ക്കാര് പ്രതിനിധികൾ സമരക്കാരുമായി ചര്ച്ച നടത്തിയെങ്കിലും അത് പരാജയപെട്ടു. ഇതോടെ ജീവനക്കാരുടെ പ്രശ്നം പഠിക്കാന് ചീഫ് സെക്രട്ടറി അധ്യക്ഷനായ ഉന്നതതല സമിതിക്ക് സര്ക്കാര് രൂപം നൽകി. ബസ് സമരം തുടരുന്നതോടെ മുംബൈയിലെ 25 ലക്ഷം യാത്രക്കാർ ദുരിതത്തിലായി.
സമരക്കാരുമായി ഇന്നലെ നടത്തിയ ചർച്ചയും പരാജയപെട്ടു; മുംബൈയിലെ ബസ് തൊഴിലാളികൾ നടത്തുന്ന അനിശ്ചിതകാല സമരം തുടരുന്നു; ബുദ്ധിമുട്ടിലായത് 25 ലക്ഷം യാത്രക്കാർ
