ഇനിമുതല് സ്വകാര്യ വിദ്യാഭ്യാസ സ്ഥാപനങ്ങളിലെ ജീവനക്കാര്ക്കും പ്രസവ അവധി ആനുകൂല്യം ലഭിക്കും .ഇത്സംബന്ധിച്ച് സംസ്ഥാന മന്ത്രിസഭയെടുത്ത തീരുമാനം കേന്ദ്രസര്ക്കാര് അംഗീകരിച്ചു. സംസ്ഥാനത്തെ അണ് എയ്ഡഡ് മേഖലയയിലടക്കമുള്ള സ്വകാര്യ വിദ്യാഭ്യാസ സ്ഥാപനങ്ങളിലെ അധ്യാപകര് ഉള്പ്പെടെയുള്ള ജീവനക്കാരെ മെറ്റേണിറ്റി ബെനഫിറ്റ് നിയമത്തിന്റെ പരിധിയില് ഉള്പ്പെടുത്താനുള്ള കേരള സര്ക്കാരിന്റെ തീരുമാനത്തിന് കേന്ദ്ര സര്ക്കാര് അംഗീകാരം നല്കി.
കഴിഞ്ഞ ഓഗസ്റ്റ് 29 ന് ചേര്ന്ന സംസ്ഥാന മന്ത്രിസഭായോഗമാണ് ഇത് സംബന്ധിച്ച വിജ്ഞാപനം പുറപ്പെടുവിക്കുന്നതിന് കേന്ദ്ര സര്ക്കാറിന്റെ അംഗീകാരം തേടാന് തീരുമാനിച്ചത്. രാജ്യത്ത് ആദ്യമാണ് മറ്റേണിറ്റി ബെനഫിറ്റ് നിയമത്തിന്റെ പരിധിയില് അണ് എയ്ഡഡ് സ്കൂള് അധ്യാപകരെ ഉള്പ്പെടുത്തിക്കൊണ്ട് ഒരു സര്ക്കാര് തീരുമാനമെടുക്കുന്നത്.
നിലവില് സ്വകാര്യ വിദ്യാഭ്യാസ സ്ഥാപനങ്ങള് പ്രസവ അവധി ആനൂകൂല്യത്തിന്റെ പരിധിയില് ഇല്ല. സംസ്ഥാനത്ത് ആയിരക്കണക്കിന് ആളുകള് ജോലി ചെയ്യുന്ന സ്വകാര്യ വിദ്യാഭ്യാസ മേഖലയിലെ സ്ത്രീ ജീവനക്കാരെ മെറ്റേണിറ്റി ബെനഫിറ്റ് ആക്ടിന്റെ പരിധിയില് കൊണ്ടുവരണമെന്ന ആവശ്യം പരിഗണിച്ചാണ് മന്ത്രിസഭാ യോഗം തീരുമാനമെടുത്തതും കേന്ദ്ര സര്ക്കാരിന്റെ അംഗീകാരത്തിനയച്ചതും.
