തിരുവനന്തപുരം: ടി.പി സെന്കുമാര് കേസില് സുപ്രീംകോടതി സര്ക്കാറിന് പിഴ ചുമത്തിയിട്ടില്ലെന്ന് മുഖ്യമന്ത്രി പിണറായി വിജയന്. കോടതി 25000 രൂപ ലീഗല് സര്വീസ് അതോറിറ്റിക്ക് നല്കാനാണ് പറഞ്ഞത്. ബാലനീതിക്കായാണ് ഈ തുക ഉപയോഗിക്കുകയെന്നും മുഖ്യമന്ത്രി നിയമസഭയില് പറഞ്ഞു.
സെന്കുമാര് വിഷയം സഭ നിര്ത്തിവച്ച് ചര്ച്ച ചെയ്യണമെന്നാവശ്യപ്പെട്ട് പ്രതിപക്ഷം കൊണ്ടുവന്ന അടിയന്തരപ്രമേയ നോട്ടീസിന് മറുപടി പറയുകയായിരുന്നു അദ്ദേഹം. സെന്കുമാര് കേസില് സര്ക്കാര് മാപ്പ് പറഞ്ഞിട്ടില്ല. പ്രതിപക്ഷം തെറ്റിദ്ധരിപ്പിക്കാന് ശ്രമിക്കുകയാണെന്ന് മുഖ്യമന്ത്രി ചൂണ്ടിക്കാട്ടി.
