ന്യൂഡല്ഹി: ശശി തരൂര് എംപിയുടെ ഭാര്യ സുനന്ദ പുഷ്കര് ആത്മഹത്യ ചെയ്ത സംഭവത്തില് ഡല്ഹി പോലീസ് തരൂരിനെ പ്രതിയാക്കി കുറ്റപത്രം സമര്പ്പിച്ചു. ഗാര്ഹിക പീഡനം, ആത്മഹത്യ പ്രേരണ തുടങ്ങിയ വകുപ്പുകള് ചുമത്തിയാണ് പാട്യാല കോടതിയില് കുറ്റപ്പത്രം സമര്പ്പിച്ചത്. പത്ത് വര്ഷം വരെ തടവു ശിക്ഷ ലഭിക്കാവുന്ന കുറ്റങ്ങളാണ് ചുമത്തിയിരിക്കുന്നത്. എന്നാല്, സുനന്ദയുടെ ശരീരത്തില് കണ്ടെത്തിയിരുന്ന മുറിവുകള് തനിയെ ഏല്പ്പിച്ചതായിരിക്കാമെന്ന വിലയിരുത്തലുകളിലാണ് ഡല്ഹി പോലീസ് എത്തിയിരിക്കുന്നത്. ഇതിന്റെ അടിസ്ഥാനത്തിലാണ് ആത്മഹത്യ പ്രേരണ കുറ്റം ചുമത്തിയിരിക്കുന്നത്. ഈ മാസം 24ന് പട്യാല കോടതിയില് കേസ് പരിഗണിക്കും. കേസ് സെഷന്സ് കോടതിയിലേക്ക് കൈമാറുന്ന നടപടി മാത്രമായിരിക്കും പട്യാല കോടതി സ്വീകരിക്കുക. സുനന്ദയുടെ മരണവുമായി ബന്ധപ്പെട്ട് ശശി തരൂരിനെതിരേ ആരോപണം ഉയര്ന്നിരുന്നു.
എന്നാല്, ഡല്ഹി പോലീസ് ഈക്കര്യം നീട്ടികൊണ്ടു പോകുകയായിരുന്നു. 2014 ജനുവരി 17നാണ് ഡല്ഹിയിലെ ഹോട്ടല് ലീലാ പാലസിലാണ് സുനന്ദാ പുഷ്കറിനെ മരിച്ച നിലയില് കണ്ടെത്തിയത്. തിരുവനന്തപുരത്തെ വീട് സന്ദര്ശിച്ച ശേഷം ഡല്ഹിയിലെത്തിയ ശേഷമായിരുന്നു മരണം. അതേസമയം സുനന്ദാ പുഷ്കറുടെ മരണവുമായി ബന്ധപ്പെട്ട് ശശി തരൂരിനെതിരെ ആത്മഹത്യാ പ്രേരണകുറ്റം ചുമത്തിയ ഡല്ഹി പൊലീസിന്റെ നടപടി തികച്ചും രാഷ്ടീയ പ്രേരിതമെന്ന് പ്രതിപക്ഷ നേതാവ് രമേശ് ചെന്നിത്തല പറഞ്ഞു. അധികാരമുപയോഗിച്ച് കോണ്ഗ്രസ് നേതാക്കളെ അടിച്ചമര്ത്താനും അപമാനിക്കാനുള്ളമുള്ള ശ്രമമാണ് ബി.ജെ.പി നടത്തുന്നതെന്നും ചെന്നിത്തല ആരോപിച്ചു.
സുനന്ദയുടെ മരണം; ഗാര്ഹിക പീഡനം, ആത്മഹത്യ പ്രേരണ തുടങ്ങിയ വകുപ്പുകള് ചുമത്തി ശശി തരൂരിനെ പ്രതിയാക്കി കുറ്റപത്രം സമര്പിച്ചു
