ഐ.എന്.എക്സ് മീഡിയ കേസില് ആരോപണവിധേയനായ ചിദംബരത്തെ തേടി മതില് ചാടിക്കടന്ന് സി.ബി.ഐ റ വസതിയിലെത്തി അറസ്റ്റ് ചെയ്തു. ദല്ഹിയിലെ ജോര് ബാഗ് വസതിയില് നീണ്ടുനിന്ന നാടകീയ രംഗങ്ങള്ക്കൊടുവിലാണ് അറസ്റ്റ് നടന്നത്. വൈകിട്ട് ചിദംബരം കോണ്ഗ്രസ് ആസ്ഥാനത്ത് വാര്ത്താസമ്മേളനത്തില് പങ്കെടുത്തിരുന്നു. ഇതിന് പിന്നാലെ സി.ബി.ഐ പാര്ട്ടി ആസ്ഥാനത്തെത്തിയങ്കെിലും വാര്ത്താസമ്മേളനം കഴിഞ്ഞ ഉടന് ചിദംബരം കപില് സിബലിനൊപ്പം വീട്ടിലേക്ക് മടങ്ങുകയായിരുന്നു.
ഇരുപതംഗ സിബിഐസംഘമാണ് ചിദംബരത്തെ അറസ്റ്റ് ചെയ്തത്. ഐ.എന്.എക്സ് മീഡിയ എന്ന മാധ്യമക്കമ്പനിക്ക് വഴിവിട്ട് വിദേശഫണ്ട് സ്വീകരിക്കാന് വഴിയൊരുക്കിയതിന് പ്രതിഫലമായി ചിദംബരത്തിന്റെ മകന് കാര്ത്തി ചിദംബരത്തിന് കോഴപ്പണവും പദവികളും ലഭിച്ചുവെന്നതാണ് കേസ്. എന്നാല്, തനിക്കെതിരെ ഒരു കോടതിയിലും കുറ്റപത്രമില്ലെന്നും കേസില് താനോ തന്റെ കുടുംബാംഗങ്ങളോ പ്രതികളല്ലെന്നും ചിദംബരം പത്ര സമ്മേളനത്തില് പറഞ്ഞിരുന്നു.
‘ഇന്ത്യയില് ജീവിക്കാനുള്ള സ്വാതന്ത്ര്യം എല്ലാവര്ക്കുമുണ്ട്. നിയമത്തില് വിശ്വാസമുണ്ട്. നിയമത്തെ മാനിക്കാന് അന്വേഷണ ഉദ്യോഗസ്ഥര് തയ്യാറാകണം’ അറസ്റ്റില് പരിരക്ഷയാണ് ആവശ്യപ്പെട്ടതെന്നും അത് പൗരന്റെ അവകാശമാണെന്നും ചിദംബരം പറഞ്ഞു. ചിദംബരത്തിന്റെ മുന്കൂര് ജാമ്യാപേക്ഷ ഇന്ന് സുപ്രീംകോടതി പരിഗണിച്ചിരുന്നില്ല. മുന്കൂര് ജാമ്യാപേക്ഷ അടിയന്തിരമായി പരിഗണിക്കാനാവില്ലെന്നായിരുന്നു സുപ്രീം കോടതി പറഞ്ഞത്.
നാളെ ലിസ്റ്റ് ചെയ്താല് ഹരജി പരിഗണിക്കുമെന്നും സുപ്രീം കോടതി പറഞ്ഞു. അതേസമയം ചിദംബരം ഒളിച്ചോടിയില്ലെന്ന് അദ്ദേഹത്തിന് വേണ്ടി ഹാജരായ അഭിഭാഷകന് കപില് സിബല് പറഞ്ഞു. ഹര്ജിയില് തീരുമാനം ഉണ്ടാകുന്നതുവരെ അറസ്റ്റ് ചെയ്യരുതെന്ന ചിദംബരത്തിന്റെ ആവശ്യവും സുപ്രീം കോടതി അംഗീകരിച്ചില്ല. ചിദംബരത്തിന്റെ ഹര്ജിയ്ക്കെതിരെ സി.ബി.ഐ തടസ്സ ഹര്ജി സമര്പ്പിച്ചിരുന്നു. സി.ബി.ഐക്ക് നോട്ടീസ് നല്കാതെ ഒരു തീരുമാനവും എടുക്കരുതെന്നാണ് തടസ്സ ഹരജിയില് സി.ബി.ഐ ആവശ്യപ്പെട്ടത്.
