
മലേഷ്യയിലെ 82 വര്ഷം പഴക്കമുള്ള പത്രം നിർത്തി. സാമ്പത്തിക പ്രതിസന്ധിയാണ് ഉതുസാന് മലേഷ്യ എന്ന പത്രം പൂട്ടാന് കാരണം. 1939ലാണ് മലായ് ഭാഷയിലുള്ള പത്രം തുടങ്ങിയത്. അഴിമതിയില് മുങ്ങിക്കുളിച്ച മുന് ഭരണകക്ഷി ദ യുനൈറ്റഡ് മലായ്സ് നാഷനല് ഓര്ഗനൈസേഷനുമായി അടുത്തബന്ധം പുലര്ത്തിയ പത്രമാണിത്.

പത്രം പൂട്ടിയതോടെ 850ലേറെ ജീവനക്കാര് വഴിയാധാരമായി. ദൈനംദിന നടത്തിപ്പിന് പണം കണ്ടെത്താന് കഴിയാത്തതിനെ തുടര്ന്ന് ലോകവ്യാപകമായി പത്രങ്ങള് പ്രതിസന്ധി നേരിടുകയാണ്. പലതും ഓണ്ലൈന് തലത്തിലേക്ക് ശ്രദ്ധകേന്ദ്രീകരിക്കുകയും ചെയ്തു.
