തനിക്ക് ശബരിമല ദർശനം നടത്താൻ സർക്കാർ സുരക്ഷ ഉറപ്പാക്കണമെന്ന് ആവശ്യപ്പെട്ടുള്ള രഹ്ന ഫാത്തിമയുടെ ഹര്ജി വെള്ളിയാഴ്ച സുപ്രീംകോടതി പരിഗണിക്കും. ചീഫ് ജസ്റ്റിസ് എസ്. എ ബോബ്ഡേ അധ്യക്ഷനായ ബെഞ്ചാണ് ഹര്ജി പരിഗണിക്കുക. സുരക്ഷ ഉറപ്പാക്കാൻ കേരള പോലീസ് തയ്യാറാകുന്നില്ലെന്നും സുരക്ഷ ഉറപ്പാക്കാൻ സംസ്ഥാന സര്ക്കാരിനോട് നിര്ദ്ദേശിക്കണമെന്നുമാണ് ഹര്ജിയിലെ ആവശ്യം.
ശബരിമല യുവതി പ്രവേശന വിധി നടപ്പാക്കാൻ നിര്ദ്ദേശം നൽകണമെന്ന് ആവശ്യപ്പെട്ട് ബിന്ദു അമ്മിണിയും സുപ്രീംകോടതിയെ സമീപിച്ചിരുന്നു. രഹ്ന ഫാത്തിമയുടെ ഹര്ജിക്കൊപ്പം ബിന്ദു അമ്മിണിയുടെ ഹര്ജിയും ഉള്പ്പെടുത്താന് ചീഫ് ജസ്റ്റിസ് നിര്ദ്ദേശിച്ചിരുന്നു. പക്ഷെ ഇപ്പോള് പുറത്തിറക്കിയ പട്ടികയില് ബിന്ദു അമ്മിണിയുടെ ഹര്ജി ഉള്പ്പെടുത്തിയിട്ടില്ല.
