ഗുവാഹത്തി: ആസമിലെ വ്യാജ മദ്യ ദുരന്തത്തില് മരിച്ചവരുടെ എണ്ണം 130 കടന്നു. തേയില തോട്ടത്തിലെ തൊഴിലാളികളാണ് മരിച്ചവരില് ഭൂരിഭാഗവും. മരിച്ചവരിൽ സ്ത്രീകളും ഉൾപ്പെടുന്നു. ഇരുന്നൂറോളം പേര് ഇപ്പോഴും വിവിധ ആശുപത്രികളിൽ ചികിത്സയിലാണ്. ആസാമിലെ ഗോലാഘട്ട്, ജോര്ഹട്ട് ജില്ലകളിലെ ആളുകളാണ് മരിച്ചത്.
മരണസംഖ്യ ഇനിയും ഉയരുമെന്നാണ് അധികൃതര് പറയുന്നത്. സംഭവവുമായി ബന്ധപ്പെട്ട് ഇതുവരെ 12 പേരെ അറസ്റ്റ് ചെയ്തതായാണ് വിവരം. രണ്ട് എക്സൈസ് ഓഫീസര്മാരെ സസ്പെന്ഡ് ചെയ്തിട്ടുണ്ട്. വിശദമായ അന്വേഷണത്തിന് ആസാം മുഖ്യമന്ത്രി ഉത്തരവിട്ടിട്ടുണ്ട്.
