തിരുവനന്തപുരം: വൈദ്യുതി മന്ത്രി ആരെ പറ്റിക്കാന് വേണ്ടിയാണ് നിര്മ്മാണം ആരംഭിച്ചതെന്നും സമവായം ഉണ്ടാക്കുമെന്ന് ഉറപ്പ് നല്കിയ മന്ത്രി നിയമസഭയെ മന്ത്രി തെറ്റിദ്ധരിപ്പിച്ചുവെന്നും പ്രതിപക്ഷ നേതാവ് രമേശ് ചെന്നിത്തല. അതിരപ്പിള്ളി വൈദ്യുത പദ്ധതി നടപ്പാക്കാന് അനുവദിക്കില്ലെന്ന് അദ്ദേഹം പറഞ്ഞു.
സി. പി. ഐ അടക്കം പാര്ട്ടികളും പദ്ധിതിക്ക് എതിരാണ്. പിന്നെന്തിനാണ് പദ്ധതിയുമായി മുന്നോട്ട് പോകുന്നതെന്നും ചെന്നിത്തല ചോദിച്ചു. നിര്മ്മാണം ആരംഭിച്ച സാഹചര്യത്തില് മുഖ്യമന്ത്രി മറുപടി പറയണമെന്നും പ്രതിപക്ഷം ആവശ്യപ്പെട്ടു. പദ്ധതി ഒരുതരത്തിലും നടപ്പാക്കാന് അനുവദിക്കില്ല, സമവായ സാധ്യതകള് അസ്തമിച്ചെന്നും ചെന്നിത്തല പറഞ്ഞു.
പദ്ധതിക്കെതിരെ പ്രതിഷേധവുമായി പരിസരവാസികളും രംഗത്തു വന്നിട്ടുണ്ട്. പദ്ധതിയുടെ പ്രാരംഭ നിര്മാണ പ്രവര്ത്തനങ്ങള് ആരംഭിച്ചുവെന്ന വാര്ത്ത പുറത്തു വന്നതിന് പിന്നാലെയാണ് പ്രതിഷേധവുമായി നാട്ടുകാര് രംഗത്തെത്തിയിട്ടുള്ളത്. പവര്ഹൗസിനെക്കുറിച്ചും ട്രാന്സ്ഫോമര് സ്ഥാപിച്ചതിനെക്കുറിച്ചും തങ്ങള്ക്ക് അറിയില്ലെന്നാണ് നാട്ടുകാര് പറയുന്നത്.
