ഡല്ഹി : അഴുക്കുചാല് വൃത്തിയാക്കുന്നതിനിടെ വിഷ വാതകം ശ്വസിച്ച് നാല് തൊഴിലാളികള്ക്ക് ദാരുണാന്ത്യം. തൊഴിലാളികളായ സര്ഫ്രാസ്, പങ്കജ്, രാജ, ഉമേഷ് എന്നിവരാണ് മരിച്ചത്. ചികിത്സയിലുള്ള വിശാലിന്റെ നില ഗുരുതരമായി തുടരുകയാണ്.ശുചീകരണത്തിന് ഇടയില് തൊഴിലാളികളില് മൂന്നു പേര് ടാങ്കില് ഇറങ്ങിയപ്പോള് വിഷവാതകം പരക്കുകയായിരുന്നു. ഇവരെ രക്ഷിക്കാനായി ടാങ്കിലേക്ക് ഇറങ്ങിയ രണ്ടു തൊഴിലാളികളും വിഷവാതകം ശ്വസിച്ച് ഗുരുതരാവസ്ഥയിലായി.
പോലീസെത്തിയാണ് ഇവരെ പുറത്തെത്തിച്ചത്.ആശുപത്രിയിലേക്ക് കൊണ്ടുപോയെങ്കിലും ജീവന് രക്ഷിക്കാന് സാധിച്ചില്ല. മലിന ജലത്തില് നിന്ന് ഉയര്ന്ന വിഷ വാതകമാണ് മരണത്തിനിടയാക്കിയത്. കരാറുകാരന്റെ ആവശ്യപ്രകാരം സുരക്ഷാ സംവിധാനങ്ങള് ഇല്ലാതെയാണ് തൊഴിലാളികള് ശുചീകരണത്തിന് ഇറങ്ങിയതെന്ന് ഡിസിപി മോണിക്ക ഭരദ്വാജ് വ്യക്തമാക്കി.
വിഷ വാതകം ശ്വസിച്ച് നാല് തൊഴിലാളികള്ക്ക് ദാരുണാന്ത്യം
