ഹാപൂര്(യു.പി): റെയില്വേ ഗേറ്റ് അടക്കാത്തതിനാല് ട്രക്കിൽ ട്രെയിൻ ഇടിച്ച് ലോക്കോ പൈലറ്റ് മരിച്ചു. മറ്റൊരാളെ ഗുരുതര പരിക്കുകളോടെ ആശുപത്രിയില് പ്രവേശിപ്പിച്ചു. ഉത്തർപ്രദേശിലെ ഹാപൂര് പില്ഖുവയിലാണ് സംഭവം. റെയില്വേ ഗേറ്റ് അടക്കാത്തതിനാല് ട്രെയിന് വരുന്നതറിയാതെ റെയില്വേ പാളം മുറിച്ചുകടക്കുകയായിരുന്ന ട്രക്കിൽ ട്രെയിന് ഇടിക്കുകയായിരുന്നു.
ഇടിയുടെ അഘാതത്തിൽ തകർന്ന ട്രക്കിൻ്റെ അവശിഷ്ടങ്ങള്ക്കിടയില് ഇരുവരും അകപ്പെട്ടു. ക്രെയിനും ഗ്യാസ് കട്ടറും ഉപയോഗിച്ച് മണിക്കൂറുകള് നീണ്ട രക്ഷപ്രവര്ത്തനത്തിനെടുവിലാണ് ഇരുവരേയും പുറത്തെടുത്തത്. അപ്പോഴേക്കും ലോകോ പൈലറ്റ് മരിച്ചിരുന്നു. റെയില്വേയും പോലീസും സംഭവത്തില് അന്വേഷണം ആരംഭിച്ചു.
