തിരുവനന്തപുരം: മുഖ്യമന്ത്രിക്കെതിരെ വാട്സ് ആപ്പ് ഗ്രൂപ്പില് പോസ്റ്റിട്ട കെ.എസ്.ആര്.ടി.സി തിരുവനന്തപുരം, കാട്ടാക്കട ഡിപ്പോയിലെ എം പാനല് ഡ്രൈവര് അറസ്റ്റില്. കട്ടയ്ക്കോട് സ്വദേശി അജി(38)യാണ് അറസ്റ്റിലായത്. . ഐടി ആക്ട് പ്രകാരമാണ് അറസ്റ്റിലായ ഡ്രൈവര്ക്കെതിരേ കേസെടുത്തിരിക്കുന്നതെന്ന് പോലീസ് അറിയിച്ചു. എല്.ഡി.എഫ് വരും എല്ലാം ശരിയാകുമെന്ന തലക്കെട്ടില് മുഖ്യമന്ത്രിയുടെ ചിത്രം സഭ്യേതരമായ കൂട്ടിച്ചേര്ക്കലുകളോടെ പോസ്റ്റ് ചെയ്തുവെന്നാണു പരാതി. ഡിപ്പോയിലെ സി.ഐ.ടി.യു സംഘടന നല്കിയ പരാതിയിലാണ് അറസ്റ്റ്.
