കേരളത്തില് പൗരത്വ നിയമ ഭേദഗതിക്കെതിരെ പ്രതിഷേധിക്കുന്നവര്ക്കെതിരെ കേസെടുക്കാന് നിര്ദേശം നല്കിയിട്ടില്ലെന്ന് ഡി.ജി.പി ലോക്നാഥ് ബെഹ്റ. മാധ്യമ വാര്ത്തകള് വാസ്തവ വിരുദ്ധമാണെന്ന് അദ്ദേഹം പറഞ്ഞു. അത്തരത്തിലുള്ള ഒരു നിര്ദേശവും നല്കിയിട്ടില്ലെന്നും ക്രമസമാധാനപ്രശ്നമുണ്ടായാല് നടപടിയെടുക്കാനാണ് നിര്ദേശം നല്കിയതെന്നും ഡി.ജി.പി പ്രസ്താവനയില് വ്യക്തമാക്കി.
പൗരത്വ നിയമ ഭേദഗതിക്കെതിരെ ചില സംഘടനകള് നടത്തിയ പ്രതിഷേധങ്ങള്ക്കെതിരെ ഗതാഗതം തടസ്സപ്പെടുത്തിയെന്നാരോപിച്ച് പോലീസ് കേസെടുത്തിരുന്നു. ഗതാഗത തടസ്സം, ശബ്ദമലിനീകരണം, സംഘം ചേര്ന്ന് തടസ്സമുണ്ടാക്കല് തുടങ്ങിയ വകുപ്പുകള് ചേര്ത്താണ് പ്രതിഷേധ പ്രകടനം നടത്തുന്നവര്ക്കെതിരെ പോലീസ് കേസെടുക്കുന്നത്.
