സർവ്വേ ഡയറക്ടർ ശ്രീറാം വെങ്കിട്ടരാമൻ സഞ്ചരിച്ച വാഹനമിടിച്ച് മാധ്യമപ്രവർത്തകൻ കെ. മുഹമ്മദ് ബഷീർ മരിച്ച സംഭവത്തിൽ ദുഃഖം രേഖപ്പെടുത്തി മുഖ്യമന്ത്രി.സൗമ്യമായ പെരുമാറ്റത്തിലൂടെയും സജീവമായ പ്രവര്ത്തനത്തിലൂടെയും തലസ്ഥാന നഗരിയിലെ മാധ്യമ പ്രവര്ത്തകര്ക്കിടയില് ശ്രദ്ധേയനായിരുന്നു ബഷീര് എന്ന് മുഖ്യമന്ത്രി ഫേസ്ബുക്കില് കുറിച്ചു.
അകാലത്തിലുള്ള വിയോഗത്തിലൂടെ ഭാവിയുള്ള മാധ്യമ പ്രവര്ത്തകനെയാണ് നഷ്ടപ്പെട്ടത്. കുടുംബാംഗങ്ങളുടെ ദു:ഖത്തില് പങ്കുചേരുന്നുവെന്നും അദ്ദേഹം പറഞ്ഞു. ഇന്ന് പുലര്ച്ചെ ഒരു മണിയോടെയാണ് അപകടം നടന്നത്.അമിത വേഗതയിൽ എത്തിയ വാഹനം മ്യൂസിയം ജംഗ്ഷനിൽ വച്ച് ബഷീറിനെ ഇടിച്ചു തെറിപ്പിക്കുകയായിരുന്നുവെന്ന് പോലീസ് പറഞ്ഞു. ശ്രീറാമാണ് കാർ ഓടിച്ചിരുന്നുവെന്നും കാർ അമിത വേഗത്തിലായിരുന്നുവെന്നും ദൃക്സാക്ഷിയായ ഓട്ടോറിക്ഷ ഡ്രൈവർ ഷഫീഖ് പോലീസിന് മൊഴി നൽകി.
