ബംഗളൂരു: അബ്ദുന്നാസര് മഅ്ദനിക്ക് നാട്ടില് വരാന് സുപ്രിം കോടതിയുടെ അനുമതി. അര്ബുദരോഗം മുര്ഛിച്ചതിനെ തുടര്ന്ന് ഗുരുതരാവസ്ഥയിലായ ഉമ്മയെ സന്ദര്ശിക്കാന് അവസരം നല്കണമെന്ന മഅ്ദനിയുടെ ആവശ്യം പരിഗണിച്ചാണ് കോടതിയുടെ വിധി വന്നത്. ഒക്ടോബര് 28 മുതല് നവംബര് നാലുവരെയാണ് സന്ദര്ശനാനുമതി നല്കിയത്. 
കഴിഞ്ഞ കുറേക്കാലമായി അര്ബുദ രോഗബാധിതയായിരുന്ന മഅ്ദനിയുടെ മാതാവ് അസ്മാ ബീവി. ഇപ്പോള് രോഗം മൂര്ഛിക്കുകയും ശരീരത്തിന്റെ ഒരു ഭാഗം തളരുകയും ചെയ്തിരുന്നു. ഇതിനെ തുടര്ന്നാണ് മഅ്ദനി സന്ദര്ശനാനുമതി തേടി ഹര്ജി നല്കിയത്. ഇക്കഴിഞ്ഞ മെയ് മാസത്തിലാണ് മഅ്ദനി കോടതി അനുമതിയോടെ ഉമ്മയെ സന്ദര്ശിച്ചത്.
