കൊല്ലം: കൊല്ലം കടയ്ക്കലില് വെട്ടേറ്റ് ചികില്സയില് കഴിയുകയായിരുന്ന ബി.ജെ.പി പ്രവര്ത്തകന് രവീന്ദ്രനാഥ് (58) മരിച്ചതിനെത്തുടര്ന്ന്് ജില്ലയില് നാളെ ഹര്ത്താല് നടത്തുന്നതിന് ബി.ജെ.പി ആഹ്വാനം ചെയ്തു. ബി.ജെ.പി ജില്ലാ പ്രസിഡന്റ് ജി.ഗോപിനാഥാണ് ഈ വിവരം അറിയിച്ചത്.
ഈ മാസം രണ്ടാം തീയതി രാത്രി കടയ്ക്കല് ക്ഷേത്രോല്സവവുമായി ബന്ധപ്പെട്ട് സി.പി.ഐ.എം പ്രവര്ത്തകരുമായുണ്ടായ സംഘര്ഷത്തിലാണ് രവീന്ദ്രനാഥിന് വെട്ടേറ്റത്. പരിക്കേറ്റ അന്ന് മുതല് അബോധാവസ്ഥയിലായ രവീന്ദ്രനാഥ് മെഡിക്കല് കോളേജാശുപത്രിയില് ചികില്സയിലായിരുന്നു. റിട്ടയേര്ഡ് എസ്.ഐ ആണ് രവീന്ദ്രനാഥ്. ശവസംസ്കാരം നാളെ ഉച്ചയ്ക്ക് പന്ത്രണ്ടിന് കടയ്ക്കലില് നടക്കും.
