സംസ്ഥാനത്തുണ്ടായ കനത്തമഴയിലും പ്രകൃതിക്ഷോഭത്തിലുംപെട്ട് പാഠപുസ്തകങ്ങൾ നഷ്ടപ്പെട്ട ഒന്ന് മുതൽ 12ാം ക്ലാസ്സുവരെയുള്ള വിദ്യാർത്ഥികൾക്ക് പുതിയ പാഠപുസ്തകങ്ങൾ നൽകുമെന്ന് പൊതുവിദ്യാഭ്യാസ വകുപ്പ് മന്ത്രി പ്രൊഫസർ സി. രവീന്ദ്രനാഥ്.
ഇതിന്റെ അടിസ്ഥാനത്തിൽ ആവശ്യക്കാരായ വിദ്യാർത്ഥികളിൽ നിന്ന് സ്കൂളിലെ പ്രഥമാധ്യാപകർ വിവരങ്ങൾ ശേഖരിച്ച് ബന്ധപ്പെട്ട വിദ്യാഭ്യാസ ഓഫീസർമാര് മുഖാന്തിരം പൊതുവിദ്യാഭ്യാസ ഡയറക്ടര്ക്ക് സമര്പ്പിക്കേണ്ടതാണ്.
വിദ്യാർത്ഥികൾക്ക് പാഠപുസ്തകങ്ങൾ അടിയന്തിരമായി ലഭിക്കുന്നതിനു വേണ്ട നടപടികൾ സ്വീകരിക്കുന്നതിന് പൊതുവിദ്യാഭ്യാസ സെക്രട്ടറിക്ക് നിർദ്ദേശം നൽകിയിട്ടുണ്ട്.
