കൊച്ചി: നടി ആക്രമിക്കപ്പെട്ട കേസില് അറസ്റ്റിലായതിനു പിന്നാലെ നടന് ദിലീപിനെ താര സംഘടനയായ അമ്മയില് നിന്നും പുറത്താക്കിയിരുന്നു. ഇതിനെതിരെ ഇപ്പോൾ ദിലീപിന് ജാമ്യം കിട്ടിയദേശം മുന്നോട്ടു വന്നിരിക്കുകയാണ് നടനും എം.എൽ.എയുമായ കെ.ബി ഗണേഷ് കുമാർ. ‘ദിലീപിനെ അമ്മയുടെ പ്രാഥമിക അംഗത്വത്തില് നിന്നും പുറത്താക്കണമെന്ന് പറഞ്ഞത് മമ്മൂട്ടിയാണ്. അമ്മയുടെ നിയമ പ്രകാരം ഇത് സാധ്യമല്ല. അദ്ദേഹത്തിന് ദിലീപിനെ അസോസിയേഷനില് നിന്നും സസ്പെന്റ് ചെയ്യാം. അതും അസോസിയേഷന് രൂപംകൊടുത്ത അച്ചടക്ക നടപടിയുടെ അന്വേഷണത്തിന് ശേഷം മാത്രം.’ ഗണേഷ് പറയുന്നു.
മമ്മൂട്ടി പറഞ്ഞത് അടിസ്ഥാന രഹിതമായിരുന്നു. അങ്ങനെ പറഞ്ഞുകൊണ്ട് അദ്ദേഹം പൃഥ്വിരാജിനെ പ്രീണിപ്പിക്കാന് ശ്രമിക്കുകയായിരുന്നു എന്നാണ് ഞാന് കരുതുന്നത്.’ ഗണേഷ് പറയുന്നു.‘അമ്മയുടെ ഭാഗമാകണോ വേണ്ടയോ എന്ന് ഇനി ദിലീപിന് തീരുമാനിക്കാം. അദ്ദേഹത്തിന്റെ സ്ഥാനത്ത് ഞാനായിരുന്നെങ്കില് പൊന്നുകൊണ്ടു പുളിശേരി വെച്ചുതരാമെന്ന് പറഞ്ഞാലും അമ്മയിലെന്നല്ല ഒരു അസോസിയേഷനും ചേരില്ല’. ഗണേഷ് കൂട്ടിചേർത്തു.
