തിരുവനന്തപുരം: സമരം നടത്തുന്ന അന്തര്സംസ്ഥാന സ്വകാര്യബസ് ഓണേഴ്സ് അസോസിയേഷനുമായി ഗതാഗതമന്ത്രി എ. കെ ശശീന്ദ്രന് നടത്തിയ ചര്ച്ച പരാജയപ്പെട്ടു. ഇതോടെ സ്വകാര്യബസ് സമരം തുടരുമെന്ന് ബസ് ഉടമകള് വ്യക്തമാക്കി. പെര്മിറ്റ് ലംഘനത്തിന്റെ പേരില് പിഴ ഈാടക്കുന്നത് താങ്ങാനാകില്ലെന്ന് ബസുടമകള് പറഞ്ഞു. ഓപ്പറേഷന് നൈറ്റ് റൈഡേഴ്സ് എന്ന പരിശോധന അവസാനിപ്പിക്കണമെന്നാണ് ഇവരുടെ ആവശ്യം.
അന്തര്സംസ്ഥാന ബസുകളുടെ നിയമലമംഘനത്തിലെ, പരിശോധനയും പിഴ ഈടാക്കലും നിര്ത്തിവക്കില്ലെന്ന് ഗതാഗതമന്ത്രി വ്യക്തമാക്കി. കല്ലട സംഭവത്തിന്റെ പേരില് സര്ക്കാര് തങ്ങളെ മനഃപൂര്വം ദ്രോഹിക്കുന്നെന്നാരോപിച്ചാണ് നാനൂറോളം ബസുകള് ഇന്ന് മുതല് സര്വീസ് നിര്ത്തിയത്. കോണ്ട്രാക്ട് ക്യാരേജ് പെര്മിറ്റുള്ള ബസുകള് മറ്റ് സംഥാനങ്ങളില് സുഗമമായി സര്വ്വീസ് നടത്തുന്നു. അതേ പെര്മിറ്റുള്ള ബസുകള്ക്ക് കേരളത്തില് പിഴ ഈടാക്കുന്നത് വലിയ സാമ്പത്തിക ബാധ്യതയുണ്ടാക്കുന്നുവെന്ന് ബസുടമകള് പറഞ്ഞു. കേന്ദ്ര സര്ക്കാര് മോട്ടാര് വോഹന നിയമം ഭേദഗതി ചെയ്യുന്ന സാഹചര്യത്തില്, അതുവരെ പെര്മിറ്റ് ലംഘനത്തിന്റെ പേരിലുള്ള നടപടി നിര്ത്തിവക്കണമെന്നാണ് ബസുടമകളുടെ ആവശ്യം.
അതേമസയം അന്തര്സംസ്ഥാന സ്വകാര്യബസുകളുടെ കൊള്ള തടയാന് സര്ക്കാര് നിയോഗിച്ച ജസ്റ്റിസ് എം. രാമചന്ദ്രന് കമ്മീഷന് സര്ക്കാരിന് ഇടക്കാല റിപ്പോര്ട്ട് നല്കി. ജസ്റ്റീസ് എം. രാമചന്ദ്രന് അധ്യക്ഷനായ കമ്മീഷന് നാലു പേജുളള ഇടക്കാല റിപ്പോര്ട്ടാണ് സര്ക്കാരിന് നല്കിയിരിക്കുന്നത്. ഉത്സവ സീസണുകളിലടക്കം തിരക്കുളള സമയത്ത് സാധാരണ നിരക്കിനേക്കാള് 12 ശതമാനത്തിലധികം നിരക്ക് വാങ്ങാന് ബസുടമകളെ അനുവദിക്കരുതെന്നാണ് കമ്മീഷന് സര്ക്കാരിനോട് ശുപാര്ശ ചെയ്തിരിക്കുന്നത്. ഇത്തരം ബസുകളുടെ മരണപ്പാച്ചിലും ചൂഷണവും അവസാനിപ്പിക്കാന് സമഗ്രമായ റിപ്പോര്ട്ടും വൈകാതെ തയ്യാറാക്കുമെന്ന് ജസ്റ്റിസ് എം. രാമചന്ദ്രന് അറിയിച്ചു.
