ഇസ്്ലാമാബാദ്: ക്രിക്കറ്റ് കളിക്കിടേ പന്ത് തലയില് തട്ടി പാക്ക് കളിക്കാരന് മരിച്ചു. മര്ധാനില് വച്ചു നടന്ന മല്സരത്തില് ബാറ്റ് ചെയ്യുകയായിരുന്ന സുബേര് അഹമ്മദ് എന്ന കളിക്കാരന്റെ തലയില് ബൗണ്സര് ഇടിക്കുകയായിരുന്നു. കഴിഞ്ഞ തിങ്കളാഴ്ചയാണ് സംഭവം. പരിക്കേറ്റ് ചികില്സയിലായ സുബേര് ചൊവ്വാഴ്ചയാണ് മരണത്തിന് കീഴടങ്ങിയത്. പാക്ക് ക്രിക്കറ്റ് ബോര്ഡാണ് ഇക്കാര്യം ട്വിറ്ററിലൂടെ അറിയിച്ചത്. ഫവാര് സമാന് അക്കാദമിയില് അംഗമായിരുന്നു സുബൈര്. ക്രിക്കറ്റ് കളിക്കാരെ അഭിമുഖീകരിക്കുന്ന അപകടങ്ങളെക്കുറിച്ച് ഒരു ഓര്മ്മപ്പെടുത്തല് കൂടിയാണ് ഈ സംഭവം. സംഭവത്തെക്കുറിച്ച് സുബൈര് ഹെല്മറ്റ് ധരിച്ചിരുന്നില്ലെന്ന് പി.സി.ബി ട്വീറ്റ് സൂചിപ്പിക്കുന്നു.
സുരക്ഷാ ഗിയറും ഹെല്മറ്റും എല്ലായ്പ്പോഴും ധരിക്കുക എന്നത് ഞങ്ങളുടെ ഓര്മപ്പെടുത്തലാണ്. മുന് ഇന്ത്യന് ഓപ്പണര് ലംബ ഫീല്ഡിങ്ങിനിടേ പന്ത് തലയില് തട്ടിയാണ് മരിച്ചത്. ഇംഗ്ലീഷ് താരം ജാസ്പെര് വിനല്, ദക്ഷിണാഫ്രിക്കന് താരം ഡാരിന് റാന്ഡല് എന്നിവരും മരിച്ചത് പന്തിടിച്ചാണ്. സുബേറിന്റെ മരണത്തില് പ്രമുഖ കമന്റേറ്ററും മുന് ഓസ്ട്രേലിയന് കളിക്കാരനുമായ ഡീന് ജോണ്സ് ട്വീറ്റിലൂടെ അനുശോചിച്ചു.
