ന്യൂഡല്ഹി: ചാരക്കേസിലെ നാളുകള് നീണ്ട നിയമയുദ്ധത്തില് നമ്പി നാരായണന് നീതി. ചാരക്കേസ് അന്വേഷണ ഉദ്യോഗസ്ഥര്ക്കെതിരെ ജുഡീഷ്യല് അന്വേഷണത്തിനും നമ്പി നാരായണന് 50 ലക്ഷം രൂപ നഷ്ട പരിഹാരം നല്കാനും സുപ്രീം കോടതി വിധിച്ചു. ചീഫ് ജസ്റ്റിസ് ദീപക് മിശ്ര അധ്യക്ഷനായ ബെഞ്ചാണ് വിധി പ്രസ്താവിച്ചത്. നഷ്ടപരിഹാരം ഉദ്യോഗസ്ഥരില് നിന്നും ഈടാക്കും. സിബി മാത്യൂസ്, കെ.കെ ജോഷ്വ, വിജയന് എന്നിവരില് നിന്നുമാണ് നഷ്ട പരിഹാരം ഈടാക്കുക. നമ്പി നാരായണനെ അനാവശ്യമായാണ് അറസ്റ്റ് ചെയ്തതെന്ന് കോടതി വിലയിരുത്തി . 
അന്വേഷണ ഉദ്യോഗസ്ഥര്ക്കെതിരെ ജുഡീഷ്യല് അന്വേഷണത്തിനും കോടതി ഉത്തരവിട്ടു. റിട്ട.ജസ്റ്റിസ് ഡി.കെ.ജെയിന് അധ്യക്ഷനായ സമിതി അന്വേഷിക്കും. 1994 നവംബര് 30-നാണ് നമ്പി നാരായണന് ചാരക്കേസില് അറസ്റ്റിലായത്. എന്നാല്, അദ്ദേഹത്തിനെതിരായ കേസ് തെറ്റാണെന്ന് സി.ബി.ഐ. നല്കിയ റിപ്പോര്ട്ട് കോടതി അംഗീകരിച്ചു. കുറ്റക്കാരായ അന്വേഷണ ഉദ്യോഗസ്ഥര്ക്കെതിരേ നടപടിയെടുക്കണമെന്നും സി.ബി.ഐ. ശുപാര്ശചെയ്തിരുന്നു. എന്നാല്, കേസ് അവസാനിപ്പിച്ച് സംസ്ഥാന സര്ക്കാര് ഉത്തരവിറക്കുകയായിരുന്നു.
