തമിഴ് താരം വിശാലും നടി അനിഷ അല്ല റെഡ്ഡിയും തമ്മിലുള്ള വിവാഹം വൈകുന്നതിന്റെ കാരണം വെളിപ്പെടുത്തി ഒടുവിൽ വിശാലിന്റെ പിതാവ് ജി. കെ റെഡ്ഡി. രംഗത്തെത്തി. ഇതിനിടയിൽ ഇരുവരും തമ്മിലുള്ള വിവാഹം മുടങ്ങിയതായുള്ള വാർത്തകളും വന്നിരുന്നു. ഇപ്പോള് പ്രചരിക്കുന്നത് വെറും അഭ്യൂഹങ്ങള് മാത്രമാണെന്നും ഇരുവരും തമ്മിലുള്ള വിവാഹം മുടങ്ങിയിട്ടില്ലെന്നും അദ്ദേഹം പത്രസമ്മേളനത്തില് പറഞ്ഞു.
‘അവര് തമ്മിലുള്ള വിവാഹ നിശ്ചയം കഴിഞ്ഞു. നടികര് സംഘത്തിന്റെ പുതിയ കെട്ടിടത്തിന്റെ പണി പൂര്ത്തിയായ ശേഷം അവിടെ വച്ചേ വിവാഹിതനാകൂ എന്ന വാശിയിലാണ് വിശാല്. അതാണ് വിവാഹത്തിനുള്ള കാലതാമസത്തിന് കാരണം. നടികര് സംഘത്തിന്റെ തെരഞ്ഞെടുപ്പിന്റെ കാര്യം കോടതിയുടെ പരിഗണനയിലായതിനാല് കല്യാണം നമുക്ക് പെട്ടെന്ന് നടത്താനാകില്ല.
വിവാഹ തിയതി തീരുമാനിച്ചിട്ടില്ല. എന്നാല് അധികം വൈകാതെ തന്നെ അത് നടക്കും’. അദ്ദേഹം വ്യക്തമാക്കി. എന്നാല് വിശാലോ അനിഷയോ ഈ വിഷയത്തില് പ്രതികരണം അറിയിച്ചിട്ടില്ല. ഹൈദരാബാദില് വച്ച് മാര്ച്ച് 16നായിരുന്നു വിശാലിന്റെയും അനിഷയുടെയും വിവാഹനിശ്ചയം.
