
ന്യൂഡൽഹി: ദേശീയ രാഷ്ട്രീയത്തില് ദക്ഷിണേന്ത്യയെ തഴയുന്നവർക്കുള്ള മറുപടിയാണ് വയനാട്ടിലെ തന്റെ സ്ഥാനാർത്ഥിത്വമെന്ന് കോണ്ഗ്രസ് അധ്യക്ഷൻ രാഹുൽ ഗാന്ധി. ഇന്ന് കോൺഗ്രസ് പ്രകടനപത്രിക പുറത്തിറക്കുന്ന ചടങ്ങിൽ സംസാരിക്കുകയായിരുന്നു അദ്ദേഹം.

കേന്ദ്രം ഭരിക്കുന്ന നരേന്ദ്ര മോഡി സർക്കാരിന്റെ എതിർപ്പ് ഏറ്റവും കൂടുതൽ നേരിട്ടവരാണ് ദക്ഷിണേന്ത്യക്കാർ. എന്നാൽ താൻ അവർക്കൊപ്പമാണെന്ന് അവരോട് പറയാൻ ആഗ്രഹിക്കുന്നതായും രാഹുൽ പറഞ്ഞു.
കേരളത്തിലെ വയനാട്ടിൽനിന്ന് മത്സരിക്കുന്ന വിഷയത്തിൽ ഇതാദ്യമായാണ് രാഹുൽ മാധ്യമങ്ങളോട് പ്രതികരിക്കുന്നത്. മാത്രമല്ല, അഴിമതി, രാജ്യസുരക്ഷ, തൊഴിൽ തുടങ്ങിയ വിഷയങ്ങളിൽ മോഡിയെ സംവാദത്തിന് വെല്ലുവിളിക്കുന്നതായും രാഹുൽ പറഞ്ഞു.
