റോണി സ്ക്രൂവാലയുടെ പുതിയ പ്രൊഡക്ഷന് കമ്പനി നിര്മ്മിക്കുന്ന ദുല്ഖറിന്റെ ആദ്യ ബോളിവുഡ് ചിത്രം ‘കര്വാന്’ ചിത്രീകരണം ഊട്ടിയിൽ ആരംഭിച്ചു. അഭിനേതാവും തിരക്കഥാകൃത്തുമായ ആകര്ഷ് ഖുറാനയാണ് ചിത്രം സംവിധാനം ചെയ്യുന്നത്.
ദുല്ഖറിനൊപ്പം പ്രമുഖ ബോളിവുഡ് താരം ഇര്ഫാന് ഖാനാണ് മറ്റൊരു പ്രധാന കഥാപാത്രത്തെ അവതരിപ്പിക്കുന്നത്. ‘ഗേള് ഇന് ദി സിറ്റി’ എന്ന വെബ് സിരീസിലൂടെ ശ്രദ്ധേയയായ മിഥില പാക്കറാണ് ചിത്രത്തില് ദുല്ഖറിന്റെ നായിക. ഹുസൈന് ദലാലിനൊപ്പം ‘യേ ജവാനി ഹേ ദീവാനി’, 2 സ്റ്റേറ്റ്സ് എന്നീ ചിത്രങ്ങളുടെ രചന നിര്വ്വഹിച്ചയാളാണ് ആകര്ഷ് ഖുറാന. ഊട്ടിക്ക് ശേഷം കേരളത്തിലായിരിക്കും സിനിമയുടെ ചിത്രീകരണം നടക്കുക.
