പാര്ട്ടിയുടെ പേരിൽനിന്നും കോണ്ഗ്രസിനെ ഒഴിവാക്കി മമത ബാനർജിയും തൃണമൂൽ കോണ്ഗ്രസും.
പ്രചാരണ പരസ്യങ്ങളിലും മറ്റും ഉപയോഗിക്കുന്ന പാർട്ടിയുടെ ലോഗോയിൽ ഉണ്ടായിരുന്ന കോണ്ഗ്രസ് എന്ന ‘അധികവാലിനെ’ ഒഴിവാക്കാനാണ് തൃണമൂൽ തീരുമാനിച്ചിരിക്കുന്നത്. കോണ്ഗ്രസുമായുള്ള സഖ്യങ്ങളെല്ലാം അവസാനിപ്പിച്ച് 21 വർഷം കഴിഞ്ഞാണ് തൃണമൂൽ പേരൊഴിവാക്കുന്നത്.
പുതിയതായി രൂപകല്പന ചെയ്ത ലോഗോ ഇതോടെ തൃണമൂൽ തയാറാക്കിയിട്ടുണ്ട്. നീലനിറം പിറകിൽ നൽകി മുന്നിൽ പച്ച നിറത്തിൽ തൃണമൂൽ എന്നാണു പുതിയ ലോഗോയിൽ കാണുന്നത്. ഒരാഴ്ചയ്ക്കുളളിൽ പുതിയ ലോഗോ പാർട്ടിയുടെ പരസ്യമാക്കും. പാർട്ടിയുടെ പുതിയ ലോഗോയിലും പോസ്റ്ററിലുമെല്ലാം ഈ ലോഗോ തന്നെ ഉപയോഗിക്കുമെങ്കിലും തെരഞ്ഞെടുപ്പ് കമ്മീഷനിൽ രജിസ്റ്റർ ചെയ്തിരിക്കുന്ന പഴയ പേരിൽ മാറ്റം വരില്ല. 1998-ലാണ് മമത ബാനർജി കോണ്ഗ്രസുമായുള്ള സഖ്യം അവസാനിപ്പിച്ച് തൃണമൂൽ കോണ്ഗ്രസ് പാർട്ടി സ്ഥാപിക്കുന്നത്.
