കൃഷ്ണഗിരി: ബസ് യാത്രയ്ക്കിടെ മരിച്ച യാത്രക്കാരന്റെ മൃതദേഹം നടുറോഡില് ഇറക്കി ബസ് അധികൃതര് സ്ഥലം വിട്ടു. ബംഗളൂരുവില് നിന്ന് തിരുക്കോവിലൂര്ക്ക് പോയിരുന്ന തമിഴ്നാട് സര്ക്കാര് ബസില് ഇന്നലെ ഉച്ചയ്ക്കാണ് സംഭവം. മൃതദേഹം സഹയാത്രികനൊപ്പം നടുറോഡില് ഇറക്കി ബസ് യാത്ര തുടര്ന്നു.
ബംഗളൂരുവില് നിന്നാണ് കൂലിത്തൊഴിലാളികളായ രണ്ടു പേര് ബസില് കയറിയത്. തിരുക്കോവിലൂര്ക്ക് രണ്ടു പേരും ടിക്കറ്റെടുത്തു. എന്നാല് യാത്രയ്ക്കിടെ തൊഴിലാളികളിലൊരാള് മരിച്ചു. വിവരം അറിഞ്ഞ കണ്ടകട്ര് മൃതദേഹം ബസില് നിന്ന് ഇറക്കാന് നിര്ദേശിച്ചു. അയാള്ക്കൊപ്പം യാത്ര ചെയ്തിരുന്ന തൊഴിലാളിയോടും ബസില് നിന്ന് ഇറങ്ങാന് ആവശ്യപ്പെട്ടു. കൃഷ്ണഗിരിയ്ക്കടുത്താണ് മൃതദേഹം ഇറക്കി ബസ് യാത്ര തുടര്ന്നത്. ടിക്കറ്റിന്റെ പണം തിരികെ പോലും നല്കാതെയാണ് കണ്ടക്ടറും ഡ്രൈവറും സ്ഥലം വിട്ടത്. റോഡില് മൃതദേഹവുമായി ഇരിക്കുന്ന തൊഴിലാളിയെ കണ്ട് വിവരം അന്വേഷിച്ച നാട്ടുകാരാണ് ഒടുവില് സഹായത്തിനെത്തിയത്. മനുഷ്യത്വരഹിതമായ ഈ നടപടിക്കെതിരെ വ്യാപക പ്രതിഷേധം ഉയരുന്നുണ്ട്.
