ചെന്നൈ : ഹൃദയാഘാതത്തെ തുടര്ന്ന് ആശുപത്രിയില് ചികിത്സയിലായിരുന്ന തമിഴ് നാട് മുഖ്യമന്ത്രി ജയലളിത (68) അന്തരിച്ചു. ചെന്നൈ അപ്പോളോ ആശുപത്രിയില് വെച്ചായിരുന്നു അന്ത്യം.
സെപ്റ്റംബര് 22 ന് കടുത്ത പനിയും നിര്ജലീകരണവും ബാധിച്ച് ആശുപത്രിയില് പ്രവേശിപ്പിക്കപ്പെട്ട ജയലളിതയുടെ ആരോഗ്യ സ്ഥിതി മെച്ചപ്പെട്ടുവരുന്നതിനിടെയാണ് ഇന്നലെ വൈകിട്ട് ഹൃദയാഘാതമുണ്ടായത്. ഐ.സി.യുവില് വെന്റിലേറ്റര് സഹായത്തോടെയായിരുന്നു ജീവന് നിലനിര്ത്തിയിരുന്നത്. ഗവര്ണറും സംസ്ഥാന മന്ത്രിമാരും പാര്ട്ടി നേതാക്കളും മറ്റും ആശുപത്രിയിലെത്തിയിട്ടുണ്ട്. ആശുപത്രിക്കു പുറത്ത് ആയിരക്കണക്കിനു പാര്ട്ടി പ്രവര്ത്തകര് എത്തിക്കൊണ്ടിരിക്കുകയാണ്. കനത്ത പോലീസ് വലയത്തിലാണ് ആശുപത്രി.
