അമൃത്സര്‍: നവജാത ശിശുവിനെ ട്രെയിനിലെ ക്ലോസറ്റില്‍ കണ്ടെത്തി. ഫ്‌ളഷ് ചെയ്ത നിലയിലായിരുന്നു കുട്ടി. ഹൗറ എക്‌സ്പ്രസ് വൃത്തിയാക്കുന്നതിനിടിയില്‍ റെയില്‍വേ യാഡില്‍ തൂപ്പുകാരാണ് കുഞ്ഞിനെ കണ്ടെത്തിയത്. കുഞ്ഞിന്റെ ശരീരത്തില്‍ വസ്ത്രമുണ്ടായിരുന്നില്ല. അമൃത്സര്‍ റെയില്‍വെ സ്റ്റേഷനിലാണ് സംഭവം. ഉച്ചയ്ക്ക് 2.30 ഓടെ തൂപ്പ് കാരന് ഒരു ഫോണ്‍ സന്ദേശം ലഭിക്കുകയായിരുന്നു. ട്രെയിനില്‍നിന്ന് ഒരു കുഞ്ഞുണ്ടെന്ന് അജ്ഞാതന്‍ തൂപുകാരനെ അറിയിയിച്ചിരുന്നു. ഇതേതുടര്‍ന്ന് ട്രെയിനിലെത്തി പരിശോധന നടത്തിയപ്പോള്‍കുഞ്ഞിന് ജീവനുണ്ടായിരുന്നു. എസി കംബാര്‍ട്ട്‌മെന്റായ ഡി 3 യിലെ ശൗചാലയത്തിന് താഴെ നിന്നാണ് കുഞ്ഞിനെ ഉപേക്ഷിച്ച നിലയില്‍ കണ്ടെത്തിയത്. താഴേക്ക് നിന്നിരുന്ന ഷാളില്‍ കുഞ്ഞിന്റെ തല കുടുങ്ങിയിരുന്നു. ഉടന്‍ തന്നെ കുഞ്ഞിനെ കുളിപ്പിച്ചതിന് ശേഷം അടുത്തുള്ള ആശുപത്രിയില്‍ എത്തിച്ചു. കുഞ്ഞ് ഇപ്പോള്‍ ആരോഗ്യനില വീണ്ടെടുത്ത് വരികയാണെന്ന് ആശുപത്രി അധികതര്‍ അറിയിച്ചു. ഒരു ദിവസം മാത്രമാണ് കുഞ്ഞിന് പ്രായം എന്നും ഡോക്ടര്‍മാര്‍ വ്യക്തമാക്കി. സംഭവത്തില്‍ കേസെടുത്തതായി പൊലീസ് വ്യക്തമാക്കി.