സംസ്ഥാനത്തെ ഉപതിരഞ്ഞെടുപ്പില് ജാതി പറഞ്ഞ് വോട്ട് പിടിക്കുന്നതില് തിരഞ്ഞെടുപ്പ് കമ്മീഷന് പരാതി നല്കുമെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്. വട്ടിയൂര്ക്കാവില് യു.ഡി.എഫ് സ്ഥാനാര്ത്ഥിക്ക് വേണ്ടി എന്.എസ്.എസ് പരസ്യമായി പ്രചാരണത്തിനിറങ്ങിയിരുന്നു. ഇത്ചൂണ്ടിക്കാട്ടിയാണ് കോടിയേരിയുടെ പ്രതികരണം.
ഇതുസംബന്ധിച്ച് മുഖ്യതെരഞ്ഞെടുപ്പ് ഓഫീസര്ക്ക് പരാതി നല്കുമെന്നും ആലപ്പുഴയില് അദ്ദേഹം പറഞ്ഞു. ജാതി സംഘടനകള് പരസ്യമായി വോട്ട് ചോദിക്കുന്നത് ചട്ടവിരുദ്ധമാണെന്ന് മുഖ്യ തിരഞ്ഞെടുപ്പ് ഓഫീസര് ടിക്കാറാം മീണ കഴിഞ്ഞ ദിവസം പറഞ്ഞിരുന്നു. എന്.എസ്.എസിനെതിരെ പരാതി ലഭിച്ചിട്ടില്ലെന്നം പരാതി ലഭിച്ചാല് പരിശോധിച്ച ശേഷം നടപടിയെടുക്കുമെന്നും അദ്ദേഹം വ്യക്തമാക്കിയിട്ടുണ്ട്.
