കൊല്ക്കത്ത: പ്രളയക്കെടുതിയില് വലയുന്ന കേരളത്തിന് പശ്ചിമബംഗാളില് നിന്ന് ഒരു കുരുന്നുബാലികയുടെ സഹായഹസ്തം. ദക്ഷിണ കൊല്ക്കത്തയിലെ ജാദവ്പൂര് സ്വദേശിയായ നാലുവയസുകാരി അപരാജിത സാഹയാണ് സ്വരുക്കൂട്ടിയ ചെറിയ തുക കേരളത്തിലെ ദുരിതാശ്വാസ നിധിയിലേക്ക് സംഭാവന നല്കിയത്. തന്റെ പിറന്നാള് ദിനത്തിലും മറ്റും ലഭിച്ച സമ്മാന തുകകളും മറ്റുമായി സ്വരൂക്കൂട്ടിയ 14,800 രൂപയാണ് കേരളത്തിലെ ദുരിതാശ്വാസ പ്രവര്ത്തനങ്ങള്ക്കായി നല്കിയത്. ഡാന്സ് റിഹേഴ്സലിനായി സിഡി പ്ലെയര് വാങ്ങുന്നതിനായിട്ടാണ് അപരാജിത പണം സ്വരൂക്കൂട്ടിവെച്ചിരുന്നത്. 
എന്നാല് ടെലിവിഷന് ചാനലുകളിലൂടെ കേരളത്തിലെ പ്രളയക്കെടുതി കണ്ടപ്പോള് തന്നെ അപരാജിത, താന് സ്വരുക്കൂട്ടിയ പണം കേരളത്തിലെ ദുരിതാശ്വാസ നിധിയിലേക്ക് നല്കാന് തീരുമാനിക്കുകയായിരുന്നു. മാതാപിതാക്കള്ക്കൊപ്പം പാര്ട്ടി ഓഫീസിലെത്തിയ കുട്ടി തന്റെ കയ്യിലുള്ള കുഞ്ഞു ബാഗ് ബിമന്ബോസിന്റെ കൈയില് ഏല്പ്പിക്കുകയായിരുന്നു.
കേരളത്തിന് ബംഗാളില് നിന്ന് നാലുവയസുകാരിയുടെ സഹായസ്തം
You Might Also Like
ശാരീരികാസ്വസ്തതയെത്തുടര്ന്ന് മരണപ്പെട്ട വയോധികന്റെ വയറ്റിനുള്ളില് കോടികള് വിലമതിക്കുന്ന ഹെറോയിന്.
കൊറോണ വാര്ഡിലെ ഡോക്ടര്മാര്ക്കായി ഡല്ഹി, യു.പി സര്ക്കാരുകള് ഒരുക്കുന്നത് ഫൈവ്സ്റ്റാര് ഹോട്ടലുകള്
