തിരുവനന്തപുരം: ദുരൂഹമായി മരണപ്പെട്ട കോട്ടയം നട്ടശ്ശേരി എസ്.എച്ച്. മൗണ്ട് പ്ലാത്തറ വീട്ടില് കെവിന് പി ജോസഫിൻ്റെ കുടുംബത്തിന് സ്ഥലം വാങ്ങുന്നതിന് ആറ് ലക്ഷം രൂപയും വീട് വയ്ക്കുന്നതിന് നാല് ലക്ഷം രൂപയും ഉള്പ്പെടെ പത്ത് ലക്ഷം രൂപ മുഖ്യമന്ത്രിയുടെ ദുരിതാശ്വാസനിധിയില് നിന്ന് അനുവദിക്കാന് മന്ത്രിസഭായോഗം തീരുമാനിച്ചു. കെവിന് പി. ജോസഫിൻ്റെ ഭാര്യ നീനു ചാക്കോയ്ക്ക് തുടര് പഠനത്തിനാവശ്യമായ ധനസഹായവും അനുവദിക്കും. ഇക്കാര്യത്തില് തുടര് നടപടി സ്വീകരിക്കുന്നതിന് കോട്ടയം ജില്ലാ കലക്ടറെ ചുമതലപ്പെടുത്തി. എറണാകുളം മരട് കാട്ടിത്തല സ്കൂള് വാന് അപകടത്തില് മരിച്ച വിദ്യാലക്ഷ്മി (ആയത്ത്പറമ്പില് വീട്ടില് സനലിൻ്റെ മകള്), ആദിത്യന് എസ് നായര് (മരട് ശ്രീജിത്തിന്റെ മകന്) എന്നീ കുട്ടികളുടെ കുടുംബങ്ങള്ക്ക് രണ്ട് ലക്ഷം രൂപ വീതം മുഖ്യമന്ത്രിയുടെ ദുരിതാശ്വാസ നിധിയില് നിന്ന് അനുവദിക്കാന് തീരുമാനിച്ചു. ഇതേ അപകടത്തില് മരിച്ച കൊച്ചാടിത്തറ ലത ഉണ്ണിയുടെ കുടുംബത്തിന് അഞ്ച് ലക്ഷം രൂപ അനുവദിക്കും. തുക ലത ഉണ്ണിയുടെ കുട്ടികളുടെ പേരില് നിക്ഷേപിക്കും.
കണ്ണൂര് ജില്ലയില് പയ്യന്നൂരും മലപ്പുറം ജില്ലയില് താനൂരും പുതിയ പോലീസ് കണ്ട്രോള് റൂമുകള് ആരംഭിക്കാന് തീരുമാനിച്ചു. ഇതിനുവേണ്ടി 40 വീതം തസ്തികകള് സൃഷ്ടിക്കും. ഓഖി ചുഴലിക്കാറ്റില് വീട് പൂര്ണമായും നഷ്ടപ്പെട്ട 74 മത്സ്യത്തൊഴിലാളി കുടുംബങ്ങള്ക്ക് വീട് പുനര്നിര്മ്മിക്കുന്നതുവരെ വീട്ടുവാടകയായി മാസം 3000 രൂപ പന്ത്രണ്ട് മാസത്തേക്ക് അനുവദിക്കും. മൊത്തം 26.64 ലക്ഷം രൂപ ഇതിനുവേണ്ടി മുഖ്യമന്ത്രിയുടെ ദുരിതാശ്വാസ നിധിയില് നിന്ന് അനുവദിക്കും. പാലക്കാട്ടെ ഐ.ഐ.ടി.ക്കു വേണ്ടി പുതുശ്ശേരി വെസ്റ്റ് വില്ലേജില് 8.8 ഹെക്ടര് റവന്യൂ ഭൂമി കൈമാറാന് തീരുമാനിച്ചു. അഞ്ച് ജവഹര് ബാലഭവനുകളിലെ സര്ക്കാര് അംഗീകൃത ജീവനക്കാര്ക്ക് ശമ്പളപരിഷ്കരണം അനുവദിക്കാന് തീരുമാനിച്ചു.സംസ്ഥാനത്തെ സ്വാശ്രയ മെഡിക്കല് കോളേജുകളില് മെറിറ്റില് പ്രവേശനം നേടുന്ന എല്ലാ നിര്ധന വിദ്യാര്ഥികളുടെയും വാര്ഷിക ഫീസ് സര്ക്കാര് നല്കും. മുഴുവന് സീറ്റിലും നീറ്റ് റാങ്ക് ലിസ്റ്റ് അടിസ്ഥാനമാക്കി മെറിറ്റില്മാത്രമായിരിക്കും പ്രവേശനം. എന്ആര്ഐ അടക്കമുള്ള മുഴുവന് സീറ്റിലെയും വാര്ഷിക ഫീസ് ഫീ റഗുലേറ്ററി കമ്മിറ്റി നിശ്ചയിക്കും. ആറു ജില്ലകളില് പ്ലസ് വണ്ണിന് കൂടുതല് സീറ്റ് നല്കും. മലപ്പുറം, കോഴിക്കോട്, പാലക്കാട്, കണ്ണൂര്, വയനാട്, കാസര്കോട് ജില്ലകളിലെ എല്ലാ സര്ക്കാര്, എയ്ഡഡ് ഹയര് സെക്കന്ററി സ്കൂളുകളിലും പ്ലസ് വണ്ണിന് 10 ശതമാനം സീറ്റുകൂടി വര്ധിപ്പിക്കുവാന് തീരുമാനിച്ചു.
വായനക്കാര്ക്കുള്ള സമ്മാന പദ്ധതി(13.06.2018)
ഇന്നത്തെ ചോദ്യം
അട്ടപ്പാടി ഏത് ജില്ലയിലെ പ്രദേശമാണ്?
A) വയനാട്
B) ഇടുക്കി
C) പാലക്കാട്
D) മലപ്പുറം
E) ഇവയൊന്നുമല്ല
നിങ്ങള് ചെയ്യേണ്ടത്; ചാനല് ആര്.ബിയുടെ channelrb.com ഫേസ് ബുക്ക് പേജ് നിര്ബന്ധമായും ലൈക്ക് ചെയ്യുക. പിന്നീട് ചോദ്യത്തിനുള്ള ശരിയുത്തരം 7025274015 എന്ന മൊബൈല് നമ്പറില് മെസേജ് ആയി ഇന്നുരാത്രി(13.06.18) 12 മണിക്ക് മുമ്പ് അയക്കുക. ഉത്തരത്തോടൊപ്പം നിങ്ങളുടെ മുഴുവന് പേര് (ഫേസ്ബുക്കിലെ പ്രൊഫൈല് നെയിമും വേണം), വിലാസം, (പഞ്ചായത്ത്, മുന്സിപ്പാലിറ്റി), മൊബൈല് നമ്പര് എന്നിവ രേഖപ്പെടുത്തണം. ഒന്നില് കൂടുതല് ശരിയുത്തരം വരികയാണെങ്കില് നറുക്കെടുപ്പിലൂടെ ചാനല് ആര്.ബി വിജയികളെ കണ്ടത്തും. ഈ സമ്മാനപദ്ധതിയില് ആര്ക്കും പങ്കെടുക്കാം. മൗലവി ബുക്ക് ഡിപ്പോ സ്പോണ്സര് ചെയ്യുന്ന സമ്മാനങ്ങളും ചാനല് ആര്.ബിയുടെ സര്ട്ടിഫിക്കറ്റുമാണ് വിജയികള്ക്ക് നല്കുന്നത്.
ഇന്നലെ (12.06.2018) നടന്ന മല്സരത്തിലെ ഉത്തരം: കരിമീന്
വിജയി: പ്രസീത അജിത്ത്, എരിഞ്ഞിപ്പുഴ, കാസര്കോട്.
