തൊടുപുഴ: തൊടുപുഴയില് അമ്മയുടെ സുഹൃത്തിന്റെറെ ക്രൂരമര്ദ്ദനത്തില് തലയോട്ടി തകര്ന്ന് കൊലപ്പെട്ട ഏഴ് വയസുകാരന്റെ സംസ്കാര ചടങ്ങില് കരച്ചില് അടക്കാനാവാതെ ജന്മഗ്രാമം. കൊച്ചു കുരുന്നിന് അന്ത്യാജ്ഞലി അര്പ്പിക്കാന് നൂറ് കണക്കിന് പേരാണ് സംസ്കാരം നടന്ന തൊടുപുഴയിലെ വീട്ടിൽ എത്തിയത്. ജനങ്ങളുടെ തിരക്കേറിയതോടെ പൊതുദര്ശനത്തിന്റെ നിയന്ത്രണം പോലീസേറ്റെടുത്തു.
കുട്ടിയുടെ മൃതദേഹം എത്തുന്നതിന് വളരെ മുന്പേ തന്നെ വീടും പരിസരവും ജനങ്ങളെ കൊണ്ട് നിറഞ്ഞിരുന്നു. വീടിന് മുന്പിലൂടെയുള്ള വഴിയിലൂടെ വാഹനങ്ങൾ കടത്തി വിടാൻ പോലീസ് പാടുപെട്ടു. നിര്ത്താതെ കരഞ്ഞും കണ്ണു നിറച്ചും നൂറുകണക്കിന് പേരാണ് കുഞ്ഞിന്റെ അമ്മയുടെ വീടിന് ചുറ്റും കൂടി നിന്നത്. നാട്ടുകാരും ബന്ധുക്കളും കുട്ടിയെ നേരത്തെ അറിയുന്നവരും വാര്ത്തകളിലൂടെ അറിഞ്ഞവരും അവനെ അവസാനമായി ഒരു നോക്ക് കാണാനെത്തി.
മൃതദേഹവും വഹിച്ചുള്ള ആംബുലൻസ് രാത്രി എട്ടേമുക്കാലിന് എത്തിയതോടെ കൂടി നിന്ന സ്ത്രീകളുടെ തേങ്ങലുകള് നിലവിളികളായി. ആദ്യം അകത്തേക്ക് കൊണ്ടുപോയ മൃതദേഹം പിന്നീട് വീടിന് പുറത്ത് പൊതുദർശനത്തിന് വച്ചു. പിന്നീട് മുക്കാൽ മണിക്കൂറിന് ശേഷം മുറ്റത്ത് സംസ്കരിക്കുമ്പോഴും അടക്കിപിടിച്ചുള്ള കരച്ചിലുകള് അടങ്ങിയിരുന്നില്ല.സംസ്കാരത്തിന് എത്തിയവര് ഒറ്റസ്വരത്തിൽ ആവശ്യപ്പെട്ടത് ഒന്നുമാത്രം. കുട്ടിയുടെറെ ജീവനെടുത്ത കുറ്റവാളികൾക്ക് അർഹമായ ശിക്ഷ നൽകണം. എത്രയും വേഗം.
