ഐ.എസ്.ആര്.ഒയിലെ ശാസ്ത്രജ്ഞന് എസ്.സുരേഷിനെ (56) ഹൈദരാബാദിലെ അപ്പാര്ട്ട്മെന്റില് തലക്കടിയേറ്റ് മരിച്ച നിലയില് കണ്ടെത്തി. ചൊവ്വാഴ്ച ഓഫീസില് എത്താത്തതിനേത്തുടര്ന്ന് നടത്തിയ അന്വേഷണത്തിലാണ് രാത്രിയോടെ അദ്ദേഹത്തെ മരിച്ച നിലയില് കണ്ടെത്തിയത്.
ഹൈദരാബാദിലെ നാഷണല് റിമോട്ട് സെന്സിങ് സെന്ററിലെ (എന്.ആര്.എസ്.സി) ശാസ്ത്രജ്ഞനാണ് സുരേഷ്. അമീര്പേട്ടിലെ അന്നപൂര്ണ അപ്പാര്ട്ട്മെന്റില് ഒറ്റക്കാണ് താമസം. ചൊവ്വാഴ്ച സഹപ്രവര്ത്തകര് ഫോണില് വിളിച്ചിട്ട് കിട്ടാതിരുന്നപ്പോള് ചെന്നൈയിലായിരുന്ന ഭാര്യയെ വിവരമറിയിക്കുകയായിരുന്നു. പിന്നീട് ഭാര്യയും ബന്ധുക്കളും പോലീസില് വിവരമറിയിച്ചു. അവര് വാതില് കുത്തിത്തുറന്നപ്പോഴാണ് സുരേഷിനെ മരിച്ച നിലയില് കണ്ടെത്തിയത്.
ആക്രമണത്തിന് പിന്നില് ആരാണെന്ന് വ്യക്തമല്ല. സംഭവ സ്ഥലത്ത് നിന്നും പ്രതിയേപ്പറ്റി സൂചനകള് ലഭിച്ചതായി പോലീസ് പറഞ്ഞു. മുതിര്ന്ന പോലീസ് ഉദ്യോഗസ്ഥര് എത്തി സി.സി.ടി.വി ദൃശ്യങ്ങള് ഉള്പ്പെടെ പരിശോധിച്ചു വരികയാണ്. കഴിഞ്ഞ 20 വര്ഷമായി സുരേഷ് ഹൈദരാബാദിലുണ്ട്. ഭാര്യ ചെന്നൈയില് ബാങ്ക് ഉദ്യോഗസ്ഥയാണ്. 2005ലാണ് ഭാര്യ ചെന്നൈയിലേക്ക് സ്ഥലം മാറ്റം ലഭിച്ച് പോയത്. മകന് യു.എസിലും മകള് ഡല്ഹിയിലുമാണ്.
